Вы тут

У беларускіх старшакласнікаў з’явіцца новы факультатыў


У беларускіх старшакласнікаў з’явіцца новы факультатыў «Увядзенне ў прафесіі чыгуначнага транспарту». Гэта прадугледжана пастановай Міністэрства адукацыі ад 13 студзеня 2023 года нумар 11, якая сёння афіцыйна апублікавана на Нацыянальным прававым інтэрнэт-партале, паведамляе БелТА.


Факультатыўныя заняткі будуць праводзіцца для 10-11-х класаў устаноў адукацыі, якія рэалізуюць праграмы агульнай сярэдняй адукацыі.

Праграма разлічана на 70 гадзін (па 35 гадзін у кожным класе, 1 гадзіна ў тыдзень) і арыентавана на азнаямленне навучэнцаў з агульнымі абавязкамі работнікаў арганізацый чыгуначнага транспарту, з іх дзейнасцю па забеспячэнні патрэбнасці эканомікі і насельніцтва ў чыгуначных перавозках і звязаных з імі работах і паслугах, забеспячэнні бяспекі руху і эксплуатацыі чыгуначнага транспарту.

Галоўнай мэтай факультатыву стане стварэнне ўмоў для ўсвядомленага выбару прафесіі навучэнцамі. Асноўнай формай навучання стануць групавыя заняткі з правядзеннем семінараў, канферэнцый, экскурсій, выязных заняткаў.

У выніку асваення зместу праграмы факультатыву навучэнцы атрымаюць уяўленні аб важнасці чыгуначнага транспарту для задавальнення патрэбнасці эканомікі і насельніцтва ў перавозках і звязаных з імі работах і паслугах, аб значнасці прафесій работнікаў арганізацый чыгуначнага транспарту для эканомікі краіны, аб перспектывах развіцця чыгуначнага транспарту. Школьнікі будуць ведаць сутнасць прафесійнай дзейнасці і асноўныя прафесіі работнікаў арганізацый чыгуначнага транспарту, транспартныя сродкі і камунікацыі, важнасць выканання патрабаванняў правіл тэхнічнай эксплуатацыі чыгункі для забеспячэння бяспекі руху і эксплуатацыі чыгуначнага транспарту. Пасля заканчэння факультатыву дзеці будуць умець характарызаваць прафесійную дзейнасць работнікаў арганізацый чыгуначнага транспарту агульнага карыстання, вызначаць назначэнне транспартных сродкаў, збудаванняў і ўстройстваў такога транспарту.

Пастанова ўступае ў сілу пасля яе афіцыйнага апублікавання.

Прэв’ю: БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».