Вы тут

Лесанасенны цэнтр плануюць пабудаваць у Гомельскай вобласці


Лесанасенны цэнтр плануюць пабудаваць у Гомельскай вобласці. Пра гэта журналістам паведаміў міністр лясной гаспадаркі Аляксандр Кулік падчас старту акцыі «Тыдзень лесу» у Івацэвіцкім раёне, перадае БелТА.


Лясгасы Беларусі летась пасадзілі каля 30 тыс. га лесу. На 6 тыс. га лесаводы выкарыстоўвалі пасадачны матэрыял з закрытай каранёвай сістэмай. Комплексы па яго вырошчванні працуюць у Івацэвічах, Глыбокім, Магілёве, а таксама ў Рэспубліканскім лясным селекцыйна-насенняводчым цэнтры. «Якасць пасадачнага матэрыялу, які вырошчваецца, у разы вышэйшая, чым у адкрытым грунце. Там уплываюць прыродна-кліматычныя ўмовы, а ў комплексах ствараецца патрэбны рэжым, паліў, падкормка. Гэта значыць выконваюцца зусім іншыя тэхналогіі. Мы пераканаліся, што ў пасадачнага матэрыялу з закрытай каранёвай сістэмай атрымліваецца найбольшы працэнт прыжывальнасці, ён устойлівы да зарастання. Міністэрства лясной гаспадаркі прыняло рашэнне разгледзець магчымасць пашырыць існуючыя комплексы, дадаць колькасць цяпліц і палёў дагадоўвання. Цяпер распрацоўваецца праектная дакументацыя, каб пабудаваць у Гомельскай вобласці такі цэнтр», — распавёў Аляксандр Кулік.

З пляцоўкай для будаўніцтва яшчэ вызначаюцца. Комплекс пабудуюць або ў Рэчыцы, або ў Мазыры. У гэтым годзе плануецца правесці пошукавыя работы, распрацаваць праектна-каштарысную дакументацыю. Чакаецца, што ў наступным годзе спецыялісты змогуць прыступіць да будаўніцтва.

Дарэчы, у Брэсцкім ДВЛГА разглядаюць магчымасці пашырэння лесанасеннага комплексу ў Івацэвічах. Тут таксама сёлета маюць намер распрацаваць праектна-каштарысную дакументацыю. Да будаўніцтва прыступяць пазней. На тэрыторыі дэмантуюць невыкарыстоўваныя збудаванні, каб на іх месцы пабудаваць чатыры новыя цяпліцы і ўладкаваць поля дагадоўвання. Чакаецца, што дзякуючы рэалізацыі праекта аб’ёмы пасадачнага матэрыялу з закрытай каранёвай сістэмай павялічацца ўдвая.

Апарат Міністэрства лясной гаспадаркі сёння прыняў удзел у рэспубліканскай акцыі «Тыдзень лесу». Сёлета яна пройдзе на працягу ўсяго красавіка, рэгіёны прымуць яе ў розны час. У Брэсцкай вобласці добраахвотнікі змогуць далучыцца да пасадкі дрэў з 1 па 8 красавіка.

Фота: БелТА

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.