Вы тут

Калі гаспадара няма дома… Як зберагчы маёмасць ад злодзеяў?


З надыходам вясенне-летняга перыяду аператыўная абстаноўка ў краіне, як правіла, характарызуецца павелічэннем фактаў крадзяжоў на тэрыторыі сельскай мясцовасці. Асабліва тое актуальна для садаводчых таварыстваў і дачных кааператываў, дзе зарэгістравана вялікая колькасць домаўладанняў, прызначаных для часовага пражывання грамадзян.


Фота з адкрытых крыніц.

У бягучым годзе зарэгістравана звыш 220 крадзяжоў, здзейсненых з домаўладанняў грамадзян, якія размешчаны ў садаводчых таварыствах і дачных кааператывах. Прадукты харчавання, адзенне, інструменты, бытавая тэхніка — далёка не поўны спіс таго, дзеля чаго людзі ідуць на злачынства.

На дадзены момант падазраваны ва ўчыненні злачынства ўстаноўлены толькі ў 142 выпадках. Як паведаміў намеснік начальніка арганізацыйна-аналітычнага ўпраўлення міліцыі грамадскай бяспекі МУС падпалкоўнік міліцыі Васіль Герасімаў, складанасць раскрыцця крымінальна каральных дзеянняў гэтага віду заключаецца ў тым, што ў большасці выпадкаў з моманту ўчынення злачынства і да яго выяўлення праходзіць працяглы час, у сувязі з чым даволі складана ўстанавіць тыя ці іншыя абставіны здзяйснення супрацьпраўнага дзеяння.

Пытанні папярэджання ўчынення крымінальных дзеянняў дадзенай катэгорыі не страчваюць сваёй актуальнасці. Супрацоўнікамі органаў унутраных спраў на пастаяннай аснове ажыццяўляецца работа па прафілактыцы злачынстваў і адміністрацыйных правапарушэнняў, якія здзяйсняюцца на тэрыторыях садаводчых таварыстваў і дачных кааператываў.

Як заўважыў Васіль Герасімаў, найбольш праблемным перыядам з'яўляецца міжсезонне, калі абсалютная большасць дачнікаў перастае наведваць свае домаўладанні. «Наяўнасць у іх матэрыяльных каштоўнасцяў (інструменту, аўдыё- і відэатэхнікі, прадуктаў харчавання і іншага) і адсутнасць для зламыснікаў сур'ёзных перашкод для ўчынення крадзяжоў з'яўляюцца перадумовай злачынных замахаў», — удакладніў ён.

У сувязі з гэтым органы ўнутраных спраў рэкамендуюць грамадзянам прымаць комплексныя меры для захаванасці сваіх домаўладанняў і маёмасці, якая ў іх знаходзіцца. У прыватнасці, з мэтай павышэння абароненасці свайго дома варта ўстанавіць надзейныя ўваходныя дзверы і замкі, умацаваць аконныя праёмы. Нават калі выходзіце з дому на непрацяглы час, заўсёды правярайце, ці ўсе дзверы і вокны зачыненыя. Ключы ад дома не хавайце пад дыванком каля дзвярэй або ў іншым лёгкадаступным месцы.

— Не пакідайце ў дачным доме ў перыяд міжсезоння або падчас працяглай адсутнасці дарагія рэчы, — звяртае ўвагу намеснік начальніка арганізацыйна-аналітычнага ўпраўлення міліцыі грамадскай бяспекі МУС. — Па магчымасці забярыце іх да сябе па месцы сталага жыхарства або прыбярыце ў цяжкадаступнае месца. Усталюйце добрасуседскія
адносіны з жыхарамі свайго садаводчага таварыства (дачнага кааператыва) з мэтай узаемнага назірання за домаўладаннямі адзін аднаго. Калі кудысьці з'язджаеце, папрасіце суседзяў перыядычна правяраць цэласнасць дзвярэй і вокнаў хаты. Пры наяўнасці тэхнічнай магчымасці ўстанавіце ахоўную сігналізацыю і не забывайце яе ўключаць.

І яшчэ вельмі важная дэталь. Калі вы заўважылі з'яўленне (пражыванне) старонніх асоб на тэрыторыі садаводчага таварыства (дачнага кааператыва) або ведаеце аб здзейсненых правапарушэннях там, неадкладна праінфармуйце аб тым органы ўнутраных спраў. Гэта датычыцца і з'яўлення транспартных сродкаў, якія выклікаюць падазрэнне. Своечасовае прыняцце папераджальных мер дапаможа грамадзянам не толькі абараніць сваю маёмасць ад злачынных замахаў, але і, у выпадку здзяйснення злачынства, прыцягнуць вінаватага да ўстаноўленай заканадаўствам адказнасці.

Вераніка КАНЮТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.