Персанальныя даныя чалавека трапляюць у Інтэрнэт з яго ведама і без, але ў абодвух выпадках такая інфармацыя застанецца на «заднім двары» Сеціва назаўжды, нават калі яе адтуль выдаліць. Такі вось парадокс. Як не расказаць усяму свету ўласныя сакрэты, у Міжнародны дзень Інтэрнэта расказалі спецыялісты Нацыянальнага цэнтра абароны персанальных даных.
Дата святкавання такога дня абрана невыпадкова. Чысло і месяц чацвёртага красавіка — 4.04 — вельмі падобныя на памылку 404, з якой карыстальнікі сутыкаюцца пры наведванні так званых «бітых» спасылак, расказалі ў Цэнтры і далі дзесяць парад, як бяспечна серфіць у Інтэрнэце.
1. Не ўказвайце ў Сеціве празмерную інфармацыю пра сябе: месца жыхарства, асабісты нумар мабільнага тэлефона, меткі геалакацыі.
2. Вывучайце палітыку канфідэнцыяльнасці пры рэгістрацыі на сайтах і ў сацыяльных сетках.
3. Выкарыстоўвайце ліцэнзійнае праграмнае забеспячэнне, антывірусы, надзейныя паролі і двухфактарную аўтэнтыфікацыю. Апошні метад ідэнтыфікуе карыстальніка, на якім-небудзь сервісе (як правіла, у Інтэрнэце) з дапамогай запыту аўтэнтыфікацыйных даных двух розных тыпаў, што забяспечвае больш надзейную абарону ад несанкцыянаванага пранікнення. Выглядае гэта наступным чынам: першы рубеж — логін і пароль, другі — спецыяльны код, які прыходзіць у выглядзе SMS ці на электронную пошту. Сутнасць у тым, што каб некуды трапіць, трэба з дапамогай двух «ключоў», адным з якіх вы валодаеце, а другі трымаеце ў памяці, двойчы пацвердзіць той факт, што вы — гэта вы.
4. Надавайце ўвагу настройкам прыватнасці профілю ў сацыяльных сетках.
5. Выдаляйце неактуальную, змешчаную раней асабістую інфармацыю.
6. Не перасылайце і не захоўвайце ў сацсетках і месэнджарах фота пашпарта ці іншых дакументаў і банкаўскіх картак.
7. Не публікуйце ў сацсетцы тое, што вы не гатовыя расказаць незнаёмцам.
8. Калі вашы даныя незаконна распаўсюдзілі ў Інтэрнэце, звярніцеся да аператара, які непасрэдна апрацоўвае вашы даныя і які дапусціў распаўсюджванне асабістых звестак пра вас, з адпаведным патрабаваннем. Калі аператар праігнараваў ваш зварот, звяртайцеся ў Нацыянальны цэнтр абароны персанальных даных.
9. Вывучайце і рэалізоўвайце свае правы, якія прадастаўлены Законам аб абароне персанальных даных.
10. Знаходзячыся ў Сеціве, не трапляйце ў сеткі і беражыце свае персанальныя даныя.
Ірына СІДАРОК
Прэв’ю: pexels.com
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
