Большасць людзей чула выраз: «Усе хваробы ад нерваў». І гэта так. Псіхасаматыка — накірунак у медыцынскай псіхалогіі — даследуе, як эмацыйныя перажыванні ўплываюць на функцыі арганізма і як яны могуць выклікаць тыя ці іншыя хваробы. Пастаянныя стрэсы, перажыванні і сваркі правакуюць нервовую напругу, якая можа стаць прычынай праблем са здароўем. Хвароба не даецца чалавеку проста так, яна альбо нечаму вучыць, альбо задавальняе патрэбы, якія не атрымліваецца задаволіць па-іншаму.
Асноўная прычына ўзнікнення псіхасаматычных сімптомаў — неадпаведнасць паміж думкамі, жаданнямі, патрэбамі і паводзінамі чалавека.
Калі псіхіка не спраўляецца з праблемамі, негатыў адкладаецца ў падсвядомасці і праяўляецца збоямі ў арганізме. Дэструктыўны працэс можа запусціць любы стрэс. Як правіла, псіхасаматычныя хваробы з’яўляюцца пасля працяглага эмацыйнага перанапружання, да якога могуць потым дадавацца трывога, дакучлівыя думкі і негатыўнае самаўнушэнне.
Такім чынам, псіхасаматычныя хваробы з’яўляюцца, калі:
Паназірайце за сабой і адкажыце на пытанні:
Якія мае паводзіны прывялі да хваробы?
Якія мае думкі выклікалі хваробу?
У якія моманты хвароба абвастраецца?
Чым хвароба мне замінае?
Якую выгаду я атрымліваю, захварэўшы?
Даследаванні: каля 60-80% людзей маюць псіхасаматычныя прычыны хвароб і дысфункцый.
Западозрыць псіхасаматыку можна, калі:
Як выяўляецца псіхасаматыка? Псіхалогія і хваробы звязаны напрамую, таму псіхасаматычнымі могуць быць:
Як умацоўваць нервовую сістэму? Трэба выкарыстоўваць усе метады. Знайдзіце час для сябе, бо стрэсавая сітуацыя — сігнал, што пара ўзяць паўзу і падумаць пра патрэбы арганізма.
Крыўда — адно з самых разбуральных пачуццяў, яна можа стаць прычынай ракавай пухліны.
Крыўда — пачуццё, што да цябе паставіліся несправядліва, не ацанілі па заслугах, абразілі. Крыўда, у сутнасці, з’яўляецца прыгнечаным гневам, які вельмі моцна адбіваецца не толькі на псіхалагічным стане, але і на фізічным. Гэта самае непрыемнае і таксічнае пачуццё, якое мае ўласцівасць назапашвацца і з часам трансфармавацца ў хваробу.
Крыўдуючы, чалавек хоча, каб змянілася стаўленне да яго, аднак выбірае разбуральны спосаб. І гэта агрэсія, накіраваная на крыўдзіцеля, бумерангам вяртаецца да пакрыўджанага чалавека.
Хваробы, якія правакуе крыўда:
Анкалогія — «Мяне нешта грызе», «Атручвае жыццё», «Надакучыла да смерці».
Мачакаменная хвароба — «Мой келіх цярпення ўжо перапоўніўся», «Асадак застаўся», «На душы камень ляжыць».
Ангіна, ларынгіт — «Камяк у горле стаіць», «Мне ўжо ўсё упоперак горла».
Пагаршэнне зроку, глаўкома, катаракта — «Балюча глядзець», «Вочы б мае цябе не бачылі».
Гіпертанічная хвароба — «Мяне аж б’е», «Цярпенне лопнула».
Артрыт — «Аж ногі падкасіліся».
Атлусценне — «Я таксама маю вагу, са мной трэба лічыцца».
Анарэксія — «Надакучыла да млоснасці», «Сыты па горла».
Бранхіт і бранхіяльная астма — «Я задыхаюся ад гэтага...».
Паспрабуйце ў любой непрыемнай сітуацыі бачыць нешта карыснае для сябе. Калі чалавек вас пакрыўдзіў — значыць, ён зацапіў за нешта балючае, і трэба зразумець, чаму сказанае так раніла. Думайце не пра тое, чаму ЁН так зрабіў, а пра тое, чаму Я так адрэагаваў. Як толькі вы зразумееце прычыну і зробіце правільную выснову, зможаце адпусціць эмоцыі і жыць спакойна далей.
Псіхолаг Алена ШАЎЧЭНКА
Фота: pexels.com
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».