Цёплы тыдзень завяршаецца працяглымі дажджамі. Няўстойлівае надвор'е будзе захоўвацца, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сіноптыкі абяцаюць, што замаразкаў у выхадныя не будзе. А ноччу і раніцай у асобных раёнах будуць згушчацца непрацяглыя туманы. У пятніцу ў многіх раёнах краіны пройдуць невялікія дажджы. Раніцай месцамі чакаецца слабы туман. Тэмпература паветра ўначы складзе 4—9 градусаў вышэй за нуль, удзень — плюс 10—15 градусаў.
Будзе дажджліва і ў выхадныя. У суботу ўначы ў асобных раёнах па паўднёвым захадзе, а днём пераважна па паўднёвым захадзе пройдуць кароткачасовыя дажджы. У дзённыя гадзіны ў асобных раёнах чакаецца ўзмацненне ветру парывамі да 15—18 м/с. Тэмпература паветра ўначы складзе ад нуля па паўночным усходзе да плюс 9 градусаў па паўднёвым захадзе, днём будзе 10—15 цяпла. У дзённыя гадзіны ў суботу дыскамфорту будзе дадаваць моцны парывісты вецер.
У нядзелю на большай частцы тэрыторыі краіны пройдуць дажджы. Уначы і раніцай у асобных раёнах чакаецца слабы туман. Тэмпература паветра ўначы складзе ад нуля да плюс 7 градусаў. Днём будзе плюс 7—13 градусаў, па поўдні — да 16 цяпла.
Паводле папярэдніх прагнозаў айчынных спецыялістаў, у пачатку наступнага тыдня франтальныя раздзелы пакінуць тэрыторыю Беларусі, таму фон атмасфернага ціску пачне расці, праясненняў стане больш, і кароткачасовыя дажджы стануць насіць толькі лакальны характар.
У панядзелак месцамі па краіне пройдуць кароткачасовыя дажджы. Уначы і раніцай у асобных раёнах чакаецца слабы туман. Тэмпература паветра ўначы складзе 2—8 градусаў вышэй за нуль. Днём будзе 8—14 цяпла, месцамі — да плюс 16 градусаў.
І ў аўторак месцамі па краіне пройдуць кароткачасовыя дажджы. Уначы і раніцай у асобных раёнах чакаецца слабы туман. Тэмпература паветра ўначы складзе плюс 1—7 градусаў, удзень —11—18 цяпла. У сераду дажджоў не будзе, а тэмпература паветра днём падымецца да плюс 19 градусаў.
Сяргей КУРКАЧ
Як адзначаюць фінансавыя эксперты, рынак жылой нерухомасці выйшаў на беспрэцэдэнтна высокія паказчыкі па колькасці здзелак.
Якія прамашкі жанчын у адзенні выдаюць адсутнасць густу?
Хто здолее змяніць гісторыю ці змяніцца пад яе ўплывам?
