Прэзідэнт Беларусі Аляксандр Лукашэнка 18 красавіка падпісаў указ № 114 «Аб пытаннях дзяржаўнай статыстыкі». Дакумент накіраваны на прывядзенне Палажэння аб Нацыянальным статыстычным камітэце ў адпаведнасць з Законам ад 30 снежня 2022 года № 238-З, а таксама на забеспячэнне магчымасці выкарыстання інфармацыйнай сістэмы Белстата дзяржаўнымі арганізацыямі, упаўнаважанымі на вядзенне дзяржстатыстыкі, паведамілі ў прэс-службе беларускага лідара.
Указам прадугледжваецца, што такія арганізацыі ажыццяўляюць збор першасных дадзеных з дапамогай адзінай інфармацыйнай сістэмы дзяржаўнай статыстыкі або ўласнага праграмнага забеспячэння для прадстаўлення рэспандэнтамі першасных статдадзеных у выглядзе электроннага дакумента.
Дзяржарганізацыі, падпарадкаваныя Белстату, забяспечваюць, згодна з указам, функцыянаванне, эксплуатацыю і развіццё інфармацыйных рэсурсаў (сістэм), комплексаў праграмна-тэхнічных сродкаў, неабходных для дзяржаўнай статыстычнай дзейнасці.
Тэрытарыяльныя органы дзяржаўнай статыстыкі і ўпаўнаважаныя арганізацыі надзяляюцца правам сведчыць на папяровым носьбіце копіі справаздач, прадстаўленых у электронным выглядзе.
Прэв’ю: БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.