Вы тут

Хойнікі ўшанавалі 37-ю гадавіну аварыі на Чарнобыльскай АЭС


Хойнікі — старажытны горад на поўдні краіны, адзін з райцэнтраў Палесся, у якім пражывае шмат моладзі, утвараюцца сем’і, якія гадуюць і радуюцца дзяцям. Тым не менш, Хойніцкі раён — адзін з найбольш пацярпелых ад наступстваў аварыі на Чарнобыльскай АЭС. З цягам часу раён залячыў раны і пераадолеў бяду, а райцэнтр ператварыўся ў прыгожы сучасны, утульны і дагледжаны населены пункт, які развіваецца, жыве спакойным і ў той жа чам рытмічным жыццём. Напярэдадні даты аварыі атамнай станцыі ў горадзе і раёне адзначалі Радаўніцу: тут заўсёды шанавалі традыцыю памінання продкаў. Як і ў горадзе, так і ў адселенай зоне на могілкі прыйшлі дзесяткі людзей з кветкамі і рытуальнымі белымі ручнікамі і стужкамі. Ужо пасля палудня могілкі выглядалі ўрачыста і, па-свойму, прыгожа. 


Тым не менш, вясна парадавала і радуе хойнікцаў цяплом і садовай квеценню. На вуліцах ў разгары дня я сустрэў шмат дзязей і моладзі. А вось вечарам, амаль у прыцемках жыхары горада сабраліся на традыцыйны мітынг — гэта доўжыцца ўжо болей за пятнаццаць гадоў, каб ушанаваць памяць ліквідатараў, якія змагаліся з наступствамі тэхнагеннай аварыі і ў памяць выселеных вёсак. Людзі прыйшлі са свечкамі і лампадкамі да жалобнага комплекса выселеных вёсак і ўшанавалі хвілінай маўчання той незабыўны і трывожны час, якія здарыўся на гэтай зямлі трыццаць сем гадоў таму. Акцыю «Памяць», як заўсёды, правяла хойніцкая моладзь, а харэграфічны ансамбль «Рытм» з Цэнтра культуры падрыхтаваў і паказаў кранальную кампазіцыю.

Анатоль КЛЯШЧУК

Фота аўтара

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Зоркі абяцаюць шмат прыемных момантаў і добрых навін для Блізнятаў.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.