Вы тут

У Ветцы адкрылася абноўленая дзіцяча-юнацкая спартыўная школа


У веткаўскай спартыўнай школе займаюцца амаль 200 навучэнцаў. Развіваюцца тут лёгкая атлетыка, плаванне, бокс, настольны тэніс і футбол. Мясцовыя выхаванцы — пастаянныя ўдзельнікі абласных спартыўных стартаў, а юныя веткаўскія баксёры — увогуле гонар зборнай каманды Гомельшчыны.


Як адзначыў дырэктар Веткаўскай дзіцяча-юнацкай спартыўнай школы Дзмітрый Лямцаў, на базе ўстановы размяшчаецца футбольны стадыён, залы бокса, фітнесу, гульнявых відаў спорту і трэнажорная зала. У бліжэйшы час для умацавання матэрыяльна-тэхнічнай базы спартшколы будуць закуплены трэнажоры на суму каля 30 тысяч рублёў.

«Пастаўленая Прэзідэнтам задача па адраджэнні зямель, пацярпелых у выніку Чарнобыльскай катастрофы, вырашаецца паслядоўна. Кожны дзень. І мы выканаем гэтую задачу», – падчас наведвання абноўленых сацыяльна значных аб’ектаў у Ветцы звярнуў увагу старшыня Гомельскага аблвыканкама Іван Крупко.

Іван Крупко і памочнік Прэзідэнта — інспектар па Гомельскай вобласці Сяргей Барташ разам са школьнікамі высадзілі квітнеючую алейку саджанцаў міндаля і вішні. Маладыя дрэўцы цяпер будуць упрыгожваць дваровую тэрыторыю абноўленага Веткаўскага тэрытарыяльнага цэнтра сацыяльнага абслугоўвання насельніцтва. 

На базе гэтай сацыяльна значнай установы сёння займаюцца 23 выхаванцы ва ўзросце ад 18 гадоў і старэйшыя. Для іх вядзецца навучанне садоўніцтву, агародніцтву, выпечцы. Акрамя таго, наведвальнікі тэрытарыяльнага цэнтра сацыяльнага абслугоўвання насельніцтва актыўна вывучаюць гісторыю і культуру роднага краю, ездзяць на экскурсіі.

Падчас абнаўленчых работ на тэрыторыі ўстановы добраўпарадкавалі дваровую пляцоўку. Тут з’явіліся альтанкі і зона для заняткаў скандынаўскай хадзьбой. Гэты від фізічнай актыўнасці сёння становіцца папулярным сярод жыхароў Веткі.

Наталля КАПРЫЛЕНКА

Фота ТК «Гомельшчына афіцыйна»

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».