Вы тут

Надвор'е. Канец красавіка «парадуе» замаразкамі


Не паспелі батарэі «замерзнуць», а тут і пахаладала. Праўда, ненадоўга і не ўсюды. У апошнія дні красавіка ноччу месцамі нават будзе падмарожваць да мінус 3 градусаў, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота: pixabay.com

І ў пятніцу ўмовы надвор'я будзе вызначаць прахалодная няўстойлівая паветраная маса. Чакаецца пераменная воблачнасць. Уначы пераважна без ападкаў, днём месцамі па краіне пройдуць невялікія кароткачасовыя дажджы. Вецер паўночна-заходні, заходні ўмераны, удзень месцамі парывісты. Мінімальная тэмпература паветра ўначы ад мінус 3 градусаў да 3 цяпла, па ўсходзе краіны да плюс 5 градусаў. Максімальная тэмпература ўдзень складзе 9—15 цяпла. Атмасферны ціск ноччу будзе слаба расці, днём істотна не зменіцца.

А вось у суботу адаб'ецца ўплыў вобласці павышанага атмасфернага ціску, сфарміраванай у прахалоднай паветранай масе. Чакаецца воблачна з праясненнямі, пераважна без ападкаў, толькі ўдзень месцамі па Брэсцкай вобласці чакаюцца невялікія кароткачасовыя дажджы. Уначы і раніцай у асобных раёнах будзе згушчацца слабы туман. Вецер пераменных кірункаў слабы да ўмеранага. Мінімальная тэмпература паветра ўначы складзе ад 2 градусаў марозу да плюс 5, максімальная тэмпература днём будзе знаходзіцца ў межах 10—16 цяпла.

У апошні дзень красавіка адаб'ецца ўплыў франтальнага раздзелу, які ссоўваецца з тэрыторыі Польшчы. Будзе воблачна з праясненнямі. Ноччу месцамі па краіне, раніцай і днём на большай частцы тэрыторыі пройдуць кароткачасовыя дажджы. Уначы і раніцай у асобных раёнах чакаецца слабы туман. Вецер паўднёвы з пераходам на заходні ўмераны. Мінімальная тэмпература паветра ўначы будзе ўжо 1—6 цяпла, у паўднёва-заходніх раёнах Беларусі да плюс 9 градусаў. Максімальная тэмпература днём складзе ад плюс 10 градусаў па паўночным захадзе да 18 цяпла па паўднёвым усходзе краіны.

А ў лес лепш пакуль не хадзіць

Забароны і абмежаванні на наведванне лясоў уведзеныя ў 19 раёнах Беларусі. Забароны дзейнічаюць на тэрыторыі 11 раёнаў Магілёўскай вобласці — Шклоўскага, Магілёўскага, Чавускага, Мсціслаўскага, Слаўгарадскага, Чэрыкаўскага, Крычаўскага, Клімавіцкага, Краснапольскага, Касцюковіцкага і Хоцімскага. Абмежаванні на наведванне лесу ўведзены ў Лоеўскім раёне Гомельскай вобласці, Драгічынскім, Ганцавіцкім, Ляхавіцкім і Баранавіцкім раёнах Брэсцкай вобласці, а таксама ў Ашмянскім, Смаргонскім і Астравецкім раёнах Гродзенскай вобласці.

На сайце Міністэрства лясной гаспадаркі размешчана Інтэрактыўная карта забаронаў і абмежаванняў на наведванне лясоў. Карта абнаўляецца ў рэжыме рэальнага часу, таму даныя могуць мяняцца на працягу дня.

Сяргей КУРКАЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.