Вы тут

Сергеенка: Гэта ўсе старонкі нашай ваеннай гісторыі, якія мы павінны памятаць


Кіраўнік Адміністрацыі Прэзідэнта Ігар Сергеенка разам са сваімі калегамі ўсклаў кветкі да манумента «Танк-вызваліцель». Танк Т-34, які ўстаноўлены на пастаменце каля сталічнага Дома афіцэраў, з’яўляецца сімвалам вызвалення Мінска. Менавіта на такой баявой машыне раніцай 3 ліпеня 1944 года ў сталіцу Беларусі ўехаў экіпаж малодшага лейтэнанта Дзмітрыя Фролікава.


«Гэты помнік увасабляе подзвіг усіх воінаў, якія вызвалялі Беларусь і Мінск, помнік героям-танкістам другога Тацынскага танкавага корпуса пад камандаваннем генерала Бурдзейнага», — адзначыў кіраўнік Адміністрацыі Прэзідэнта. Ён таксама нагадаў, што менавіта Аляксей Сямёнавіч Бурдзейны ў 1961 годзе запаліў Вечны агонь каля манумента на плошчы Перамогі ў Мінску, а 52 злучэнням і часцям пасля вызвалення Мінска было прысвоена званне мінскіх. Многія з іх і сёння функцыянуюць у складзе Узброеных сіл Расіі.

«Гэта ўсе старонкі нашай ваеннай гісторыі, якія мы павінны памятаць, ведаць, адкрываць для сябе, вывучаць, — падкрэсліў Ігар Сергеенка. — Гэта памяць і ў назвах вуліц, і ў музейных экспазіцыях, у творах культуры і мастацтва, у манументах. Гэта наша памяць, наша гісторыя, якую трэба шанаваць, берагчы. І мы да гэтага так ставімся — як да самага святога, самага дарагога».

Ён перакананы, што пра падзеі Вялікай Айчыннай вайны трэба абавязкова памятаць, каб шанаваць мір і заслугі таго пакалення людзей, якія прайшлі горан вайны. «Яны цану міру ведаюць больш, чым мы сёння, — звярнуў увагу кіраўнік Адміністрацыі Прэзідэнта. — А мы, нашчадкі, проста абавязаны захаваць гэты мір. Па-іншаму быць не можа».

Ігар Сергеенка лічыць абсалютна непрымальным тое, што адбываецца ў суседніх з Беларуссю краінах Балтыі і Польшчы, ва Украіне, дзе знішчаюцца помнікі і цынічна фальсіфікуюцца гістарычныя факты пра Вялікую Перамогу, і нагадаў, што за тую ж Польшчу было аддадзена 600 тысяч жыццяў нашых воінаў.

Паводле БелТА

Фота: БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.