Вы тут

Галоўчанка: сапраўдныя героі вайны — працаўнікі тылу, якія сталі лепшым прыкладам для цяперашняга пакалення


Сапраўдныя героі вайны — працаўнікі тылу, чыя праца стала лепшым прыкладам для цяперашняга пакалення. Пра гэта заявіў прэм’ер-міністр Раман Галоўчанка падчас урачыстага сходу, прысвечанага Дню Перамогі ў Палацы Рэспублікі, перадае БелТА.


Раман Галоўчанка адзначыў, што Беларусь чарговы раз рыхтуецца сустрэць адно з самых значных дзяржаўных свят — Дзень Перамогі. «Гэта светлая ўрачыстасць з’яўляецца сімвалам нязломнай волі, мужнасці і патрыятызму людзей, якія ў адзіным страі выступілі на абарону Айчыны. За вызваленне ад карычневай чумы беларуская зямля заплаціла мільёнамі жыццяў сваіх лепшых сыноў і дачок. Але ні вялікія пакуты, ні смерць не змаглі зламаць тых, для каго найвышэйшымі каштоўнасцямі сталі свабода і незалежнасць Радзімы», — сказаў ён.

Прэм’ер-міністр падкрэсліў, што беларусы заўсёды будуць памятаць, як на палях бітваў прадстаўнікі ўсіх рэспублік Савецкага Саюза даказалі нязломную сілу братэрскага адзінства і згуртаванасці. «Толькі Брэсцкую крэпасць гераічна абаранялі салдаты і афіцэры больш як 30 нацыянальнасцей. Яны пакінулі нам пасланне на цаглінах Белага палаца — «умираем не срамя». Гэты запавет загінулых нікога не пакідае абыякавым. Гэта лепшы ўрок адданасці сваёй Радзіме. Воіны Чырвонай Арміі з гонарам выканалі свой абавязак перад загінулымі і разграмілі бязлітаснага агрэсара», — канстатаваў Раман Галоўчанка.

Неацэнны ўклад партызан і падпольшчыкаў у агульную справу Перамогі. «Небывалае, сапраўды ўсенароднае супраціўленне сустрэлі гітлераўцы ў Беларусі, — сказаў прэм’ер-міністр. — Сапраўдныя героі вайны — працаўнікі тылу, сярод якіх былі і жанчыны, і дзеці. У цяжкую хвіліну яны замянілі ў цэхах мужоў і бацькаў, якія пайшлі на фронт. Іх самаадданая праца — лепшы прыклад для цяперашняга пакалення. Летапіс Перамогі поўны яркіх гераічных старонак, прыкладаў мужнасці і адвагі, патрыятызму і самаахвярнасці. Але, на жаль, для нашай краіны ў ім шмат і бязмежнага гора».

Фота: БелТА

Выбар рэдакцыі

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.