Вы тут

У Віцебску прайшла традыцыйная выстава-кірмаш устаноў адукацыі


Шакшука па-беларуску, ліхтар чыгуначніка, які працуе ад сонца, і вынікі школьных бізнес-праектаў – абласная выстава-кірмаш двойчы на год збірае не толькі ўстановы сярэдняй і сярэдне-спецыяльнай адукацыі, але і зацікаўленых жыхароў і гасцей горада на Дзвіне. З самага ранку ля Палаца спорту гучала музыка, бялеў дымок ад мангалаў і бясконца ішлі з пакупкамі людзі. 


Набыць нешта карыснае і паглядзець было на што: саджанцы пладова-ягадных культур, пярэстыя петуніі, гародніна і вінаградныя саджанцы. Акрамя гэтага, падворкі прапаноўвалі гасцям свежае печыва і гарачыя стравы з агню з беларускім каларытам. 

Па словах начальніка галоўнага ўпраўлення па адукацыі Віцебскага аблвыканкама Дзмітрыя Хомы, выстава праводзіцца з мэтай прафарыентацыі, паказу рознабаковасці адукацыйнай сістэмы Віцебшчыны, а яшчэ гэта — добрая магчымасць зарабіць. Па выніках вясновага кірмашу плануюць здабыць каля 100 тысяч рублёў, якія будуць накіраваны на патрэбы сістэмы адукацыі паўночнага рэгіёна. 

Аршанскі механіка-эканамічны каледж прадставіў на сваім падворку адноўленыя матацыклы беларускай вытворчасці. Побач з матацыкламі, якія карысталіся попытам сярод аматараў фота, размясціўся і мініяцюрны трактар «Беларус». Індустрыяльныя каледжы прапаноўвалі шырокі выбар упрыгажэнняў, вырабаў з тканіны і дрэва. Вялікая чарга ў дачны сезон выстраілася за табурэтамі па 20 рублёў, прыладамі для працы ў агародзе. 

Асабліва гучным і разнастайным быў падворак Віцебскага раёна, які запрашаў у «Прыдзвінскую гасцёўню». Тут педагогі і навучэнцы школ арганізавалі фотазону з савецкім каларытам, прапаноўвалі наведаць экспазіцыю Заронаўскага музея з пасляваеннымі прыладамі працы і побыту, а таксама частавалі піцамі, булачкамі і дзерунамі. Асаблівасцю гэтага года стала прэзентацыя вынікаў школьных бізнес-кампаній: установы адукацыі прадставілі мыла ручнога вырабу, самаробныя шпакоўні, ручнікі і прыхваткі.

Кожны жадаючы змог паўдзельнічаць у майстар-класе па роспісе пернікаў, пляценні кос і роспісе па тканіне. 

Аляксандра ГВОЗДЗЕВА

Фота аўтара

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.