Вы тут

Беларускія СМІ змагаюцца як інфармацыйныя партызаны


У прасторы новых медыя беларускія СМІ змагаюцца як інфармацыйныя партызаны. Такім меркаваннем у праекце БелТА «Краіна гаворыць» падзяліўся старшыня праўлення ГА «Беларускі саюз журналістаў», генеральны дырэктар УП «Мінск-Навіны» Андрэй Крывашэеў.


Фота: БелТА

Адказваючы на пытанне, ці можна правесці паралелі паміж сучаснымі беларускімі СМІ, якія захоўваюць і спрабуюць данесці гістарычную праўду, і падпольнымі антыфашысцкімі газетамі, Андрэй Крывашэеў выказаў меркаванне, што такія паралелі сапраўды ёсць. «Асабліва гэта тычыцца так званых новых медыя — мэсэнджараў і сацыяльных сетак. Таму што ў гэтай прасторы мы сапраўды знаходзімся як партызаны на акупаванай тэрыторыі. Здавалася б, у сацыяльных сетках на рускай і беларускай мовах працуюць, развіваюцца, вучацца нашы людзі. Але і самі сацыяльныя сеткі, і іх мадэратары знаходзяцца за межамі Беларусі і праводзяць крывадушную палітыку цэнзуры ў дачыненні да любога паведамлення, якія таму ці іншаму цалкам ананімнаму цэнзару здаецца няўдалым», — сказаў Андрэй Крывашэеў.

У якасці прыкладу старшыня Беларускага саюза журналістаў прывёў Аляксея Талая: «Ён з’ездзіў у Хатынь, зрабіў фатаграфію, выклаў яе ў свой Instagram і напісаў: „Цяпер я ведаю, хто спаліў Хатынь“. Ён напісаў гэта пасля таго, як яму распавялі гісторыю пра аднаго з украінскіх батальёнаў. На наступны дзень яго Instagram-старонка была знішчана, хоць на ёй былі дзясяткі тысяч падпісчыкаў».

Такім чынам, адзначыў Андрэй Крывашэеў, беларускім СМІ ў прасторы новых медыя даводзіцца змагацца як інфармацыйным партызанам.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».