У Беларусі стартуе рэгістрацыя на цэнтралізаванае тэсціраванне

Рэгістрацыя на цэнтралізаванае тэсціраванне пачынаецца сёння і завершыцца 1 чэрвеня, паведамляе БелТА.

Для ўдзелу ў цэнтралізаваным тэсціраванні абітурыент можа альбо падаць заяву ў электронным выглядзе на сайце РІКВ, альбо можа гэта зрабіць, прыйшоўшы ў адзін з пунктаў рэгістрацыі. Сёлета іх 41, спіс устаноў і ўсе інструкцыі ёсць на сайце Рэспубліканскага інстытута кантролю ведаў. Пры сабе той, хто паступае павінен мець дакумент (копію дакумента), які сведчыць асобу (пашпарт, ID-карта (пластыкавая смарт-карта), від на жыхарства, пасведчанне бежанца або даведка, якая выдаецца ў выпадку страты дакумента, які сведчыць асобу).

Да 1 чэрвеня абітурыент павінен забраць пропуск. Тыя, хто запаўняў электронную форму на сайце РІКВ, змогуць зрабіць гэта ў пункце праходжання ЦТ. Астатнія — асабіста ў пункце рэгістрацыі. Важна: рэгістрацыю на ЦТ можна лічыць завершанай толькі пасля атрымання пропуску.

Абітурыент, які будзе праходзіць сёлета цэнтралізаваны экзамен па двух прадметах, можа зарэгістравацца на ЦТ толькі па адным прадмеце. Маладыя людзі, для якіх ЦЭ сёлета не прадугледжаны, маюць права прайсці ЦТ па трох прадметах.

Зарэгістравацца для праходжання ЦТ у рэзервовыя дні можна будзе з 1 па 6 ліпеня. 

Цэнтралізаванае тэсціраванне пачнецца 14 чэрвеня з беларускай мовы і завершыцца 4 ліпеня сусветнай гісторыяй. Рэзервовымі днямі прадугледжаны 11, 13 і 15 ліпеня. Час пачатку ЦТ у асноўныя і рэзервовыя дні — 11.00.

Падрабязную інфармацыю можна знайсці на сайце РІКВ.

Прэв’ю: БелТА