За адносна невялікі перыяд гісторыі беларусы здолелі пабудаваць суверэнную, незалежную краіну, і гэтым трэба ганарыцца. Такое меркаванне ў гутарцы з журналістамі выказала старшыня Савета Рэспублікі Нацыянальнага сходу Наталля Качанава на ўрачыстым мерапрыемстве з нагоды Дня дзяржаўных сцяга, герба і гімна, перадае БелТА.
За адносна невялікі перыяд гісторыі беларусы здолелі пабудаваць суверэнную, незалежную краіну, звярнула ўвагу Наталля Качанава. «Гэтым трэба ганарыцца. Гэта наш гонар, наша сіла, — падкрэсліла яна. — Мы пабудавалі цудоўную, цудоўную краіну, якую мы любім і якой ганарымся. І гэтае свята — пацверджанне таму. Паглядзіце, колькі моладзі, колькі ў іх гонару за сваю Радзіму!»
Наталля Качанава перакананая ў асаблівай важнасці і значнасці таго, што ў Беларусі адзначаецца такое цудоўнае свята. «Гэта вельмі важна для маладых пакаленняў — каб яны ўбіралі і ганарыліся сваёй слаўнай гісторыяй, якую перадалі старэйшыя пакаленні. Я веру ў будучыню нашай краіны, бо ў нас такая цудоўная моладзь. У нас такая выдатная і любімая краіна! Шчыра віншую ўсіх са святам!» — дадала старшыня Савета Рэспублікі.
Фота БелТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
