У Беларусі і Уладзімірскай вобласці вялікі патэнцыял для нарошчвання гандлёва-эканамічнага супрацоўніцтва. Пра гэта заявіў міністр эканомікі Аляксандр Чарвякоў падчас пасяджэння рабочай групы па супрацоўніцтве Беларусі з Уладзімірскай вобласцю Расіі, паведамілі ў прэс-службе Міністэрства эканомікі.
Як адзначыў Аляксандр Чарвякоў, узаемны тавараабарот Беларусі і Уладзімірскай вобласці за 2022-ы дасягнуў шасцігадовага максімуму. «У сферы прамысловасці нашы прадпрыемствы зацікаўлены ў павелічэнні паставак металапрадукцыі, трансфарматараў, камплектуючых. Сваю тэхніку гатовы пастаўляць МАЗ і БЕЛАЗ, забяспечваючы яе якаснае і своечасовае сэрвіснае абслугоўванне. Абмяркоўваецца магчымасць стварэння ў рэгіёне зборачнай вытворчасці трактароў малой магутнасці і камунальнай тэхнікі. Мы зацікаўлены ўдзельнічаць у праектах абнаўлення парку пасажырскай тэхнікі рэгіёну. Прапануем таксама актывізаваць узаемадзеянне ў галіне сельскай гаспадаркі. Перспектыўным напрамкам тут бачыцца пашырэнне наменклатуры і нарошчванне экспарту прадуктаў харчавання і сельскагаспадарчай сыравіны», — сказаў міністр.
Паводле яго слоў, вопыт і кампетэнцыі беларускіх будаўнікоў могуць быць запатрабаваныя пры будаўніцтве і капрамонце школ, сацыяльных аб’ектаў, дарог ва Уладзімірскай вобласці. «Асаблівую значнасць у цяперашніх умовах маюць сумесныя імпартазамяшчальныя праекты ў галіне вытворчасці сродкаў дыягностыкі захворванняў і лекавых прэпаратаў для насельніцтва нашых краін. Неабходна пашырыць двухбаковае супрацоўніцтва ў сферы медыцыны і аховы здароўя. Усе гэтыя прапановы падмацаваны наяўнымі ў нас магчымасцямі», — падкрэсліў Аляксандр Чарвякоў.
Удзельнікі мерапрыемства адзначылі паспяховае выкананне дамоўленасцяў, дасягнутых падчас леташняга пасяджэння рабочай групы. Таксама намечаны канкрэтныя крокі па рэалізацыі пагаднення аб супрацоўніцтве Беларусі і Уладзімірскай вобласці ў 2023 годзе.
Па завяршэнні пасяджэння было падпісана 11 пагадненняў, рэалізацыя якіх будзе садзейнічаць умацаванню супрацоўніцтва ў розных сферах эканамічнай і гуманітарнай дзейнасці (інвестыцый, падтрымкі прадпрымальніцтва, экспарту, раслінаводства, турызму, культуры і інш.).
Фота: Міністэрства эканомікі
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.