Казахстан заўсёды быў і застаецца для Беларусі надзейным партнёрам

Старшыня Палаты прадстаўнікоў Нацыянальнага сходу Беларусі Уладзімір Андрэйчанка сустрэўся са старшынёй Мажыліса Парламента Рэспублікі Казахстан Ерланам Кашанавым і дэпутатамі, абранымі ў новы састаў Мажыліса. Дэлегацыя Казахстана прыехала ў Беларусь для ўдзелу ў выязным пасяджэнні Савета Парламенцкай Асамблеі Арганізацыі Дагавора аб калектыўнай бяспецы. 

Уладзімір Андрэйчанка павіншаваў Ерлана Кашанава з паспяхова праведзенымі выбарамі дэпутатаў у Мажыліс Парламента. Ён пажадаў казахстанскаму калегу паспяховай працы і моцнага здароўя. «Рэспубліка Казахстан для Рэспублікі Беларусь заўсёды быў і застаецца надзейным партнёрам. Мы зацікаўлены ў тым, каб нашы адносіны развіваліся ў духу дружбы, узаемаразумення, узаемавыгаднага супрацоўніцтва. Вялікую ролю адыгрываюць міжпарламенцкія сувязі», — адзначыў Уладзімір Андрэйчанка. Ён падкрэсліў, што зараз Беларусь перажывае няпросты час, вакол нашых граніц ідзе вайна, супраць Беларусі прынятыя неабгрунтаваныя санкцыі з боку Захаду і Злучаных Штатаў Амерыкі. 

«Хочацца, каб гэтая палітыка, якую праводзяць заходнія краіны, ніякім чынам не адбіліся на нашых гандлёва-эканамічных адносінах, супрацоўніцтве ў адукацыі і ахове здароўя, культуры і навукі. Напрамкаў нашага супрацоўніцтва яшчэ вельмі шмат. Я лічу, што ў нас непачаты край работы ў міжрэгіянальным супрацоўніцтве. Мы настроены і надалей у поўнай меры развіваць супрацоўніцтва з Рэспублікай Казахстан», — канстатаваў старшыня Палаты прадстаўнікоў.

Як адзначыла ў размове з журналістамі старшыня Пастаяннай камісіі па заканадаўстве Палаты прадстаўнікоў Святлана Любецкая, міжпарламенцкае ўзаемадзеянне — гэта важны элемент дзяржаўнай палітыкі. Нацыянальны сход Рэспублікі Беларусь усяк вітае ўзаемадзеянне з парламентамі іншых краін. Яна расказала, што на сустрэчы з прадстаўніка Мажыліса абмяркоўваліся пытанні ўзаемадзеяння парламентарыяў дзвюх краін. Па яе словах, ўзаемадзеяння выбраннікаў народа дазваляе вырашаць пытанні эканамічнага, культурнага, адукацыйнага супрацоўніцтва. «Кожная дзяржава імкнецца да павышэння якасці жыцця свайго народа і павышэння яго дабрабыту. І гэта галоўная мэта такіх сустрэч. Паколькі тыя, хто прадстаўляе людзей лепш ведаюць іх праблемы. Сёння Казахстан — гэта важнейшы стратэгічны партнёр у сферы эканомікі, міжкультурнага ўзаемадзеяння і таму тая ўвага, якая ўдзяляецца нашаму супрацоўніцтву з боку кіраўнікоў дзяржаў і парламентарыем, цалкам абгрунтавана», — адзанчыла парламентарый.

Святлана Любецкая расказала, што вынікі гэтай работы ёсць. На пляцоўцы парламента створана рабочая група дружбы, у рамках якой вядзецца дадатковая работа па вывучэнні сфер, што цікавяць нашы бакі, і праводзіцца пэўныя мерапрыемствы. 

«Маюць важнае значэнне пытанні, якія неабходна вырашаць у рамках заканадаўства нашых краін. Казахстан перажывае этап канстытуцыйнага будаўніцтва, у Беларусі ў мінулым годзе прайшоў канстытуцыйны рэферэндум, унесены істотныя змяненні ў заканадаўства. І вось такі абмен досведам у развіцці прававых сістэм ён уяўляе вялікую цікавасць», — расказала Святлана Любецкая.

Валерыя СЦЯЦКО

Фота: БелТА