Вы тут

Аб’ём зааіндустрыі Кітая дасягне 800 мільярдаў юаняў


У Кітаі імкліва набірае абароты індустрыя хатніх жывёл, яе маштаб, як чакаецца, да 2025 года павялічыцца да 800 мільярдаў юаняў (у 2020-м — 490 млрд. юаняў), перадае «Жэньмінь жыбаа» анлайн».


Па меры сацыяльна-эканамічнага развіцця і павышэння ўзроўню жыцця ўсё больш кітайцаў становяцца ўладальнікамі хатніх гадаванцаў, што прыводзіць да бурнага росту зааіндустрыі ў краіне. Як паведаміў Лі Дэфа, акадэмік Кітайскай акадэміі інжынерных навук і кіраўнік Кітайскай асацыяцыі вытворцаў кармоў, у апошнія гады назіраецца хуткае развіццё індустрыі вытворчасці кармоў для хатніх жывёл, у 2021 годзе ў гэтай сферы налічвалася 357 прадпрыемстваў. Аб’ём выпуску кармоў для хатніх жывёл узрос з 790 тысяч тон у 2018 годзе да 1,2 млн. тон летась, павялічыўшыся на 56,6 працэнта.

Акрамя таго, у краіне адзначаны рэзкі попыт на імпартныя кармы. Міністэрства сельскай гаспадаркі і сельскіх спраў КНР выдала больш за 600 дазволаў на ўвоз у Кітай кармавой прадукцыі для хатніх гадаванцаў, што ў 7,3 раза больш, чым у 2016-м.

Паводле Белай кнігі аб хатніх жывёлах, у 2021 годзе агульная колькасць катоў і сабак у кітайскіх сем’ях у пасёлках і гарадах перавысіла 100 мільёнаў. 17 працэнтаў сем’яў па ўсёй краіне з’яўляюцца ўладальнікамі хатніх гадаванцаў.

На думку дырэктара Пекінскага інстытута жывёлагадоўлі і ветэрынарнай медыцыны пры Кітайскай акадэміі сельскагаспадарчых навук Цынь Юйчана, у Кітаі ёсць вялікі патэнцыял для развіцця адпаведнай індустрыі. Згодна з прагнозам, на працягу дзесяці гадоў краіна стане найбуйнейшым рынкам хатніх жывёл.

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.