Вы тут

Нацыянальныя археалагічныя паркі ў Кітаі наведалі 146 мільёнаў чалавек


Паток наведвальнікаў у больш чым паўсотні нацыянальных археалагічных парках склаў 146 мільёнаў чалавек. Пра гэта паведамілі ў Дзяржаўным упраўленні па ахове культурнай спадчыны КНР, перадае «Жэньмінь жыбаа» налайн».


Такая колькасць турыстаў была зафіксавана цягам апошніх пяці гадоў — з 2018-га па 2022-гі. Як паведамілі ў Дзяржаўным упраўленні па ахове культурнай спадчыны КНР, па стане на канец мінулага года ў Кітаі налічвалася 55 нацыянальных археалагічных паркаў. Зараз падобныя паркі створаны на тэрыторыі шэрагу найбольш вядомых археалагічных помнікаў Кітая, уключаючы Стары летні палац (Юаньмін’юань) у Пекіне, а таксама разваліны Саньсіндуй у правінцыі Сычуань (Паўднёва-Заходні Кітай) і Маўзалей першага кітайскага імператара Цынь Шыхуандзі ў правінцыі Шэньсі (Заходні Кітай).

У параўнанні з іншымі грамадскімі паркамі, найбольш вядомай рысай гэтых пляцовак з’яўляецца іх археалагічная тэматыка. Наведвальнікі могуць убачыць, як праводзяцца археалагічныя работы, і разгледзець археалагічныя знаходкі. Акрамя таго можна азнаёміцца з працэсам археалагічных раскопак і рэстаўрацыі культурных рэліквій, а таксама атрымаць глыбейшае ўяўленне пра культурную і гістарычную каштоўнасць археалагічных аб’ектаў. Па словах Гуань Цяна, намесніка кіраўніка Дзяржаўнага ўпраўлення па ахове культурнай спадчыны КНР, гэтыя паркі сталі незаменнымі месцамі для дэманстрацыі доўгай гісторыі кітайскай цывілізацыі.

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».