Прэм’ер-міністр Беларусі Раман Галоўчанка 24-26 мая наведае з рабочым візітам Петразаводск і Мурманск, паведамляе БелТА са спасылкай на прэс-службу ўрада.
«Маючы адбыцца візіт, як і ўсе іншыя мерапрыемствы такога роду, закліканы актывізаваць супрацоўніцтва з расійскімі рэгіёнамі. Трэба выйсці на канкрэтныя дамоўленасці па нарошчванні і дыверсіфікацыі беларускага экспарту, развіцці прамкааперацыі, пошуку новых пунктаў росту», — сказаў Раман Галоўчанка.
Падчас візіту ў Петразаводск кіраўнік беларускага ўрада сустрэнецца з кіраўніком Рэспублікі Карэлія Артурам Парфенчыкавым. Акрамя таго, Раман Галоўчанка наведае II Карэльскі міжнародны форум камнеапрацоўкі «Карэлфорум-2023». Таксама ён пабывае на зборачнай вытворчасці лесанарыхтоўчай тэхнікі ТАА «Амкадор-Анега» і ў АТ «Кандапожскі ЦБК».
У Мурманску прэм’ер-міністр Беларусі сустрэнецца з губернатарам Мурманскай вобласці Андрэем Чыбісам. Таксама з удзелам Рамана Галоўчанкі пройдзе круглы стол «Рэспубліка Беларусь — Мурманская вобласць: на шляху да новага ўзроўню эканамічнага партнёрства». Акрамя таго, у планах наведванне цэнтра будаўніцтва буйнатанажных марскіх збудаванняў: кіраўнік урада азнаёміцца з працай завода па серыйнай вытворчасці ліній звадкавання прыроднага газу на падмурках гравітацыйнага тыпу.
Падчас візіту беларускай урадавай дэлегацыі ў Мурманск таксама адбудзецца шостае пасяджэнне рабочай групы па супрацоўніцтве Беларусі і Мурманскай вобласці.
Прэв’ю: БелТА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».