Канал «Культура» Беларускага радыё абвяшчае аб правядзенні конкурсу чытальнікаў «Белая птушка», прысвечанага 140-годдзю з дня нараджэння класіка беларускай літаратуры Янкі Маўра і 95-годдзю аповесці пісьменніка «Сын вады».
Да ўдзелу запрашаюцца школьнікі, студэнцкая моладзь, сем'і, а таксама ўсе, хто жадае паспрабаваць сябе ў мастацкім чытанні. Творчае спаборніцтва праводзіцца ў чатырох катэгорыях: моначытанне ў малодшай узроставай групе (6—13 гадоў), моначытанне ў старэйшай узроставай групе (13—18 гадоў), моначытанні дарослых (18 гадоў і пасля), чытанні па ролях.
Удзельнікам неабходна агучыць фрагменты твора Янкі Маўра і даслаць іх у аўдыя- ці відэаварыянце на электронны адрас: kultura\_konkurs@radіo.tvr.by.
Прыём конкурсных матэрыялаў працягнецца да канца жніўня. А ацэньваць удзельнікаў будуць спецыялісты ў галіне тэатральнага мастацтва і літаратуры, мастацкага радыёвяшчання, музейнай справы. Сярод крытэрыяў ацэнкі чытання — разуменне тэксту, эмацыянальнасць, тэхніка маўлення, якасць гучання.
Падвядзенне вынікаў і ўзнагароджванне пераможцаў адбудуцца восенню. Конкурс «Белая птушка» праводзіцца сумесна з Дзяржаўным музеем гісторыі беларускай літаратуры. Палажэнне, заяўка, тэксты для агучвання размешчаны на сайце канала «Культура».
Найлепшыя запісы, аўтары якіх атрымаюць падарункі, прагучаць у эфіры канала «Культура» — для праграмы «Дасціпныя. Нястомныя. Кемлівыя» будзе падрыхтаваны радыёсерыял «Сын вады».
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
