Вы тут

Пошукавікі паднялі астанкі 19 чырвонаармейцаў і 19 медальёнаў


Мяркуючы па іх галасах, яны вельмі стомленыя ад работы пад пякучымі праменямі сонца, але неверагодна шчаслівыя. 19 медальёнаў за два дні — фантастычная лічба. Гэта вялікі шанц, што хутка мы даведаемся новыя імёны і нехта з герояў Вялікай Айчыннай нарэшце "вернецца" дадому. Як мы ўжо паведамлялі, да канца мая ў Дрыбінскім, Шклоўскім і Горацкім раёнах вядуцца раскопкі ў рамках пошукавай экспедыцыі «Дняпроўскі рубеж-2023». Асноўная пляцоўка — гэта калгаснае поле ў некалькіх кіламетрах ад Шклова, дзе ў ліпені 1941 года праходзілі кровапралітныя баі паміж падраздзяленнямі 53-й Саратаўскай стралковай дывізіі Чырвонай арміі і нямецкай дывізіяй СС «Рэйх».


Сёння на баявых пазіцыях таксама да перамогі працуюць з рыдлёўкамі ў руках пошукавікі Магілёўскага абласнога гісторыка-патрыятычнага пошукавага клуба «Віккру» (групы з Асіповіч, Бабруйска, Шклова і Магілёва) сумесна з 52-м асобным спецбатальёнам Мінабароны. На ўздапаможных работах задзейнічаныя настаўнікі, школьнікі і ліцэісты з Магілёва і Шклова.

— У нас такога ў гісторыі клуба яшчэ не было, — кажа кіраўнік клуба Мікалай Барысенка. — Мы маглі падняць 20 байцоў і ўсяго 2-3 медальёны. Максімальная колькасць была 10. А тут ужо 19. Хаця наперадзе яшчэ амаль тыдзень работ. Заўтра перамяшчаемся ў Горацкі раён, але частка нашых рабят застанецца тут. Спадзяемся, што ўдача нам будзе і далей спадарожнічаць.

Падрабязнасці гісторыі бітвы, якая адбылася ў 41-м пад Шкловам, чытайце на наступным тыдні ў выпуску «МС». Як сцвярджаюць эксперты, тут чырвонаармейцы змагаліся да апошняга і толькі пасля таго, як яны ўсе загінулі, немцы змаглі прайсці на Шклоў і захапіць мост праз Днепр.

Нэлі ЗІГУЛЯ

Фота Святланы БАРЫСЕНКІ і Галіны БЯЛЯЕВАЙ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».