Выстава жывапісу «Любімыя» Серафімы Патапавай, музычна-літаратурная праграма «Ліра Уладзіслава Сыракомлі», майстар-клас «Лялькі-берагіні», выстава «Шэкспірыяда» Юрыя Нікіфарава — штотыднёвая афіша «Звязды».
Дзе: г. Мінск, Грузінскі Дом, вул. Куйбышава, 48
Калі: да 31 мая
Колькі: бясплатна
На выставе сучаснага беларускага мастака Аляксея Лацінніка «Унутры калейдаскопа» прадстаўлены карціны, створаныя ў розныя перыяды творчасці мастака.
Як наша жыццё складаецца з розных шматкоў падзей, адчуванняў, эмоцый і думак — так і гэтая выстава з’яўляецца калейдаскопам розных тэм і жанраў. У экспазіцыі можна ўбачыць карціны, якія раскрываюць жаночую прыгажосць, філасофскія абстракцыі, арыгінальныя маскі, эксперыментальнае мастацтва, арт-інсталяцыі.
З першых крокаў глядач нібы аказваецца ўнутры арт-калейдаскопа. Ён акружаны яркімі, эмацыйнымі, незвычайнымі вобразамі, якія стварыў для яго мастак. У процівагу алегорыі жыцця як складанага лабірынта, аўтар прадстаўляе яе як маляўнічы калейдаскоп.
Наведваючы выставу, можна таксама прайсці нескладанае заданне-галаваломку і атрымаць невялікі падарунак ад мастака на памяць.
Пра мастака:
Лаціннік Аляксей Сяргеевіч — сучасны мастак з Мінска, удзельнік і прызёр нацыянальных і міжнародных выстаў, член Еўразійскага саюза мастакоў, член Еўразійскай Садружнасці мастакоў. За плячыма мастака больш за 50 нацыянальных і міжнародных выстаў у розных краінах.
Дзе: г. Мінск, вул. М. Багдановіча, 13
Калі: да 31 мая
У Дзяржаўным музеі гісторыі беларускай літаратуры працуе літаратурна-мастацкая экспазіцыя «Казкі з маляванак». Выстава з’яўляецца працягам супрацоўніцтва музея і Віцебскага абласнога метадычнага цэнтра народнай творчасці.
Беларускія маляваныя дываны (маляванкі) прызнаны важнай складаючай нацыянальнай культурнай спадчыны сучаснай Беларусі не толькі ў нашай краіне, але і з боку міжнароднага культурнага супольніцтва. Традыцыйнае майстэрства стварэння маляванак Віцебшчыны (беларускага Паазер’я) унесена ў спіс гісторыка-культурных каштоўнасцей нашай краіны, створаны пры фінансавай і кансультацыйнай падтрымцы ЮНЕСКА.
Лейтматыў экспазіцыі «Казкі з маляванак» — беларускі нацыянальны фальклорны тэкст (казкі) у спалучэнні з наіўным выяўленчым мастацтвам — маляванымі дыванамі.
На выставе прадстаўлены маляваныя дываны мастачак Віцебшчыны, а таксама кнігі беларускіх казак з фондаў Дзяржаўнага музея гісторыі беларускай літаратуры.
У межах выставы плануецца праводзіць практычныя лекторыі па гісторыі і роспісе маляваных дываноў (для мэтавай аўдыторыі, па папярэдніх замовах).
Дзе: г.Мінск, Музей прыроды і экалогіі, вул. Багдановіча, 9А
Калі: да 1 чэрвеня
Колькі: 3,5–8 BYN
У выставачнай зале Музея прыроды і экалогіі адкрылася часовая экспазіцыя жывых паўзуноў «Рэптыліум».
У экспазіцыі вы зможаце паназіраць за насельнікамі джунгляў і пустыняў, палюбавацца іх грацыёзнасцю, убачыць яркіх прадстаўнікоў халаднакроўных. Таксама на часовай экспазіцыі будзе прадстаўлена разнастайнасць павукоў птушкаедаў.
Разнастайныя прадстаўнікі Азіі, Афрыкі і Амерыкі — незвычайныя стварэння, якія адрозніваюцца адзін ад аднаго памерамі, формай, афарбоўкай скуры, ладам жыцця, а таксама асяроддзем пасялення — ўразяць вас сваім разнастайнасцю.
Выстава зацікавіць як дарослых, так і дзяцей. Для маленькіх наведвальнікаў будзе арганізавана інтэрактыўная зона.
Дзе: г. Мінск, вул. Кісялёва 38
Калі: 1 чэрвеня
Колькі: ад 20 BYN
Сімвалам свайго паэтычнага выказвання краёвы пясняр абраў ліру. Бо душа яго не размаўляла — спявала. І музычнасць вершаў і гавэндаў паэта проста імкнулася, ірвалася ўвасобіцца ў гуках. Сваёй творчасцю Людвік Кандратовіч натхніў шматлікіх сучасных яму кампазітараў на напісанне сапраўдных шэдэўраў. А шэраг яго вершаў наўпрост праслаўляе музыку і музыкантаў. Спеў вясковага лірніка гучыць дзесьці ў нашай падсвядомасці і дагэтуль: яго рыфмы кранаюць і клічуць да жыцця новыя нотныя і паэтычныя радкі.
У творах Сыракомлі можна адкрыць і пазнаць сябе: без напластаванняў пафаса і прыбраных ілжывых ідэй. З яго верша «Доля» вырастае талент Янкі Купалы, непаўторная інтанацыя жыццёвай скаргі, а ў музычных увасабленнях паэзіі лірніка выразна распазнаюцца калівы-правобразы беларускай музыкі.
Напярэдадні юбілею паэта адбудзецца музычна-паэтычны вечар «Ліра Уладзіслава Сыракомлі», які адбудзецца 1 чэрвеня.
У праграме абмеркаванне феномена Сыракомлі, які, жывучы пераважна ў фальварках, а не ў вялікіх гарадах, стаў вешчуном свайго краю, знаёмства з песнямі на яго вершы кампазітараў-літвінаў: Станіслава Манюшкі, Віктара Кажынскага і Канстанціна Горскага.
А таксама прадугледжанна разам вучыць на памчяць жартоўны хіт «Сеў коцік на плот і міргае», які яшчэ добра памятаюць карэнныя віленчукі.
Выступоўцы:
Дзе: г. Мінск, вул. Рэвалюцыйная, 10
Калі: да 1 чэрвеня
Народны мастак Беларусі Леанід Дзмітрыевіч Шчамялёў прайшоў усю вайну ад пачатку да канца. Удзельнічаў у бітве за Дняпро, быў цяжка паранены пад Мазыром. Ваяваў у саставе 4-га Кубанскага казацкага корпуса 2-га Украінскага фронту. Узнагароджаны медалём «За перамогу над Германіяй у Вялікай Айчыннай вайне 1941-1945 гг.»
На выставе «Вясна Перамогі» прадстаўлены работы мастакоў-ветэранаў Вялікай Айчыннай вайны, выдатных майстроў айчыннага выяўленчага мастацтва, творы якіх увайшлі ў залаты фонд нашай культуры, у зборы найбуйнейшых музеяў свету. Барыс Аракчэеў, Антон Бархаткоў, Віктар Грамыка, Адольф Гугель, Віктар Гаўрылаў, Пётр Данелія, Яўген Зайцаў, Аляксандр Казлоўскі, Мікалай Кандрацьеў, Абрам Кроль, Павел Масленікаў, Мікалай Назаранка, Мікалай Назарчук, Тарас Паражняк, Міхаіл Савіцкі, Леанід Шчамялёў і многія іншыя беларускія мастакі прайшлі дарогамі вайны тысячы кіламетраў, атрымалі раненні, змагаліся ў партызанскіх атрадах, ваявалі за Маскву і Кёнігсберг, выпрабавалі жахі канцэнтрацыйных лагераў і акупацыі.
Гэтыя драматычныя падзеі пакінулі глыбокі след у жыцці і творчасці беларускіх майстроў, вызначылі стылявыя характарыстыкі і сэнсавую напоўненасць іх твораў. У сваіх карцінах кожны мастак па-свойму адлюстраваў тэму вайны, што дазваляе нам зараз зірнуць вачыма відавочцаў не толькі на драматычныя падзеі Вялікай Айчыннай вайны, але і мірныя пасляваенныя дзесяцігоддзі. На палотнах — вобразы партызан, Герояў Савецкага Саюза, якія перадаюць трагічную і напружаную атмасферу ваенных дзён, а яшчэ — пранізлівая прыгажосць роднай зямлі, якая разам з людзьмі, якія змагаліся за яе, перанесла столькі выпрабаванняў. Мастакі-франтавікі, якія абаранялі нашу радзіму, разам з усім народам набліжалі доўгачаканую вясну Перамогі...
На выставе прадстаўлены работы з фондаў ДУ «Музей гісторыі горада Мінска» і ГА «Беларускі саюз мастакоў».
Дзе: г. Мінск, галерэя «Акадэмія», вул Сурганава, 14
Калі: да 2 чэрвеня
Колькі: бясплатна
Упершыню ў Мінску выстава карцін Юрыя Іванавіча Нікіфарава, вядомага бабруйскага мастака, майстра шматфігурнай карціны, манументальнага роспісу, тэатральных плакатаў і эскізаў.
Наведванне выставы па папярэднім запісе!
Дзе: г. Мінск, Палац мастацтваў, вул. Казлова 3
Калі: да 12 чэрвеня
Колькі: 8 — 12 BYN
Новыя імёны мастацтва: фестываль «Арт-Мінск» прадстаўляе больш за 450 работ мастакоў Беларусі.
«Арт-Мінск» праводзіцца штогод з 2018 года і з’яўляецца адным з найбуйнейшых выставачных праектаў у Беларусі, мэта якога — упрыгожыць культурнае жыццё горада і прадставіць актуальныя напрамкі мастацкай арт-сцэны. Сёлета на фестываль паступіла больш за тысячу заявак і трох тысяч работ, з якіх журы адабрала 450 твораў ад аўтараў з Мінска, Гомеля, Брэста, Віцебска, Наваполацка і іншых гарадоў нашай краіны. 90% прадстаўленых на фестывалі работ будуць размешчаны на анлайн-платформе па продажы мастацтва Artcenter. by. Біяграфіі аўтараў і апісанні работ будуць даступныя гледачам па QR-кодзе на этыкетцы. Кожны наведвальнік зможа не толькі купіць упадабаныя работы, але і падтрымаць мастакоў пры дапамозе галасавання. Аўтары, якія набралі найбольшую колькасць галасоў, будуць узнагароджаны дыпломамі і прызамі партнёраў праекта.
Дзе: г. Мінск, пр. Незалежнасці, 47
Калі: да 18 чэрвеня
Колькі: 10—14 BYN
Нацыянальны цэнтр сучасных мастацтваў і галерэя FARBA запрашаюць на новы выставачны праект «Сны аб Японіі». У экспазіцыі будуць прадстаўлены больш за 60 ксілаграфій ў стылі укіё-э.
Ад ціхамірных пейзажаў гары Фуджы да вытанчаных вобразаў акцёраў Кабукі і гейш — выстава прапануе зазірнуць у свет японскага мастацтва і культуры. У наведвальнікаў будзе магчымасць палюбавацца шэдэўрамі найвялікшых мастакоў укіё-э, такіх як Кацусіка Хокусай, Андо Хіросігэ, Утагава Кунісада, Кітагава Утамаро і іншых.
Тэхналогія ксілаграфіі, якую выкарыстоўвалі для стварэння твораў, уяўляла сабой сумесную працу трох майстэрскіх майстроў: мастака, разьбяра па дрэве і друкара. У выніку атрымаліся творы мастацтва, якія перадаюць дух эпохі і сёння працягваюць натхняць мастакоў і аматараў мастацтва ва ўсім свеце.
Выстава прапануе ўнікальную магчымасць пазнаёміцца з багатай гісторыяй і мастацкай спадчынай Японіі. Сапраўдным падарункам для гасцей праекта стане імерсіўны фільм «Сны аб Японіі», створаны спецыяльна для гэтага праекта. Фільм дае магчымасць прасачыць шматвяковую гісторыю укіё-э і акунуцца ў свет прыгажосці, самабытнасці і гармоніі японскай культуры. Наведвальнікі змогуць цалкам пагрузіцца ў тое, што адбываецца вакол дзякуючы праецыраванню фільма на сцены і падлогу мультымедыйнай залы.
Ксілаграфіі японскіх майстроў традыцыйна дапоўняць работы беларускіх мастакоў Анатоля Бараноўскага, Фёдара Дарашэвіча, Пятра Драчова, Вадзіма Качана, Арлена Кашкурэвіча, Вячаслава Паўлаўца, Уладзіміра Правідохіна і Віталя Цвіркі з фонду Нацыянальнага Цэнтра Сучасных Мастацтваў.
Арганізатары падрыхтавалі тэматычны квэст, які дазволіць у займальнай форме пазнаёміцца з экспазіцыяй, а ў прасторы выставы вы знойдзеце яркія фотазоны.
Дзе: г. Мінск, Арт-гасцёўня «Высокае мѣста», вул. Герцэна, 2а
Калі: да 2 ліпеня
Шлях кожнага мастака ўнікальны гэтак жа, як непаўторныя нашы індывідуальнасці. Праява кожнага чалавека ў творчасці нясе асаблівы почырк, тонкае пасланне аб яго ўнутраным свеце і яго гісторыі.
У экспазіцыі выставы «Крылы натхнення» прадстаўлена больш за 60 карцін з лямца і графічных твораў дзвюх мастачак — Карыны Волкавай і Ганны Сталяровай.
Дзе: г. Мінск, вул. М. Багдановіча 7 а
Калі: да 15 ліпеня
Дзяржаўны музей гісторыі беларускай літаратуры і рэстаран грузінскай кухні «Дудук» праводзяць сумесную рэкламную акцыю «Ад хачапуры да літаратуры».
Паводле акцыі:
Музеі працуюць з 10:00 да 19:00 усе дні, акрамя панядзелка.
Рэстаран «Дудук» працуе з 12:00 да 23:00 усе дні.
Тэл. для даведак +375 17 363 94 65 (пн — пт з 9:00 да 17:30).
Дзе: г. Мінск, Мастацкая галерэя Міхаіла Савіцкага, пл. Свабоды 15.
Калі: да 13 жніўня
Колькі: 2,50 — 4 BYN
На выставе можна пазнаёміцца з самабытнай і унікальнай матэрыяльнай культурай карэнных малалікіх народаў Поўначы, якія пражываюць на тэрыторыі Камчацкага краю: каракаў, чукчаў, ітэльменаў, эвенаў і іншых.
На выставе прадстаўлены разнастайныя бытавыя, этнаграфічныя і рытуальныя прадметы, узоры дэкаратыўна-прыкладнога мастацтва, выкананыя з футра паўночнага аленя, нерпы, маржа, скуры і пацерак, у традыцыйнай манеры разьбы і гравіроўкі па косці, маржовага ікла і дрэва, а таксама работы самабытных каракскіх мастакоў.
Дэманструецца традыцыйная адзенне, абутак і паясы паўночных народаў. Сярод экспанатаў — сапраўдныя рарытэты: каракскі жаночы кроільны нож, калекцыя ўнікальных жаночых сумачак для рукадзелля з лапак дзікіх гусей, лебедзя, качак, рыбінай скуры, мужчынскія каракскія і эвенскія кісеты і табакерка, старажытны касцяны грэбень для расчэсвання травы, рытуальныя скураныя акуляры, радавая дзіда і многія іншыя прадметы Паўночнага побыту.
На выставе наведвальнікі даведаюцца аб дзіўнай прыродзе Камчацкага паўвострава, пра жыццё карэнных паўночных народаў, асаблівасцях іх качавога і аселага ладу жыцця, аленегадоўлі, ездавых сабаках, вераваннях і звычаях.
Дзе: г. Мінск, музей «Лошыцкая сядзіба»
Калі: да 31 жніўня
Колькі: 3 — 20 BYN
Традыцыйная народная творчасць − адзін з найбольш дзейсных спосабаў самавыяўлення народа, магчымасць заявіць пра сябе ўсяму свету. Беларусы да сённяшніх дзён захавалі многія віды і формы народнай традыцыйнай творчасці: разьбярства, ганчарства, кавальства, ткацтва, роспіс, пляценне з прыродных матэрыялаў.
На выставе прадстаўлена больш за 500 прадметаў сучаснага народнага дэкаратыўна-прыкладнога мастацтва і мастацкіх рамёстваў. Артэфакты сабраны вядомым беларускім этнографам Яўгенам Міхайлавічам Сахутай у экспедыцыях, праведзеных па ўсёй Беларусі. У 2019 годзе частка калекцыі была перададзена ў фонды Музея гісторыі горада Мінска.
Многія даўбана-разьбяныя, ганчарныя, плеценыя, каваныя вырабы, якія экспануюцца на выставе, уражваюць першабытнай суровасцю, прастатой і магутнасцю формаў. У дэкоры драўлянага і керамічнага посуду, вышываных і тканых вырабах пераважаюць старажытныя геаметрычныя матывы, якія маюць даўняе сімвалічнае паходжанне. Да старажытных таксама адносяцца зааморфныя матывы драўлянай і глінянай пластыкі, цацак-свістулек.
Сярод найбольш каштоўных і цікавых прадметаў − саламяныя коні, чаплі і буслы, разнастайнае керамічнае начынне, калекцыя тэкстыльных і фарфоравых лялек, выцінанка.
Дзе: г. Мінск, пр. Незалежнасці, 116
Калі: да 10 верасня
Колькі: па чытацкім білеце або білеце сацыякультурнага цэнтра
«Прысвячэнне майстру» — выстаўка да 120-годдзя з дня нараджэння Івана Ахрэмчыка.
Рэтраспектыўная выстаўка «Прысвячэнне майстру» пазнаёміць гасцей з прыкладамі і вынікамі пошуку і станаўлення мастацкага амплуа вучняў гімназіі-каледжа 1970-х—2020-х гг. У экспазіцыі будуць прадстаўлены курсавыя і дыпломныя работы студэнтаў, выкананыя ў жывапісе і прысвечаныя самым разнастайным тэмам — навучэнню, пошуку прызначэння, успрыняццю рэчаіснасці, жыццю, гісторыі і культуры Беларусі.
Крок за крокам колькі дзесяцігоддзяў выдатныя беларускія мастакі, настаўнікі гімназіі-каледжа мастацтваў імя І.В. Ахрэмчыка навучаюць маладыя таленты асновам выяўленчага мастацтва, кіруючыся яркім прыкладам беларускага жывапісца, народнага мастака Беларусі Івана Восіпавіча Ахрэмчыка (1903–1971). Іван Восіпавіч — знакавая асоба для беларускай мастацкай адукацыі, прафесар, выкладчык шэрагу мастацкіх устаноў, настаўнік знакамітых айчынных аўтараў. Менавіта ён настойваў на стварэнні прафесійнай школы жывапісу — і ў 1962 годзе Рэспубліканская школа-інтэрнат па музыцы і выяўленчаму мастацтву была адчынена, а ў 2005 перайменавана ў гімназію-каледж мастацтваў імя І.В. Ахрэмчыка. Іван Восіпавіч, яго вучні і прыхільнікі падрыхтавалі не адно пакаленне адказных настаўнікаў, верных класічнай школе беларускага жывапісу. Дзякуючы ім адораныя дзеці з усіх куткоў Беларусі здзяйсняюць свае першыя крокі ў творчасці.
Экспазіцыя «Прысвячэнне майстру» сведчыць аб тым, што юныя мастакі захоўваюць класічныя падыходы і разам з тым адпавядаюць сучасным тэндэнцыям у жывапісе і выяўленчым мастацтве, а значыць — справа Івана Восіпавіча Ахрэмчыка і памяць аб ім жывуць і сёння.
Дзе: г. Мінск, Дзяржаўны музей гісторыі беларускай літаратуры, вул. М. Багдановіча 13.
Калі: да 1 кастрычніка
Выстава ў Дзяржаўным музеі гісторыі беларускай літаратуры прысвачана 140-годдзю з дня нараджэння таленавітага пісьменніка Івана Міхайлавіча Фёдарава (Янкі Маўра).
Уклaд Янкi Maўpa ў paзвiццё бeлapycкaй дзiцячaй лiтapaтypы вымяpaeццa нe cтoлькi caмaкaштoўнacцю ягo твopaў як з’яў мacтaцтвa, кoлькi тым, штo ён, як пepшaпpaxoдцa, вызнaчыў дaлeйшы кipyнaк яe paзвiцця ў гaлiнe пpoзы. Пісьменнік cтaў cтвapaльнiкaм нoвыx жaнpaвыx фopмaў: пpыгoднiцкaгa paмaнa, пpыгoднiцкaй aпoвecцi, a тaкcaмa aпoвecцeй aўтaбiягpaфiчнaй i нaвyкoвa-фaнтacтычнaй.
Агульная тэма экспазіцыі — Янка Маўр — нястомны Падарожнік — будзе паслядоўна раскрывацца перад наведвальнікам праз шэраг сімвалічных падарожжаў: па глыбіні cтaгoддзяў, па далёкіх краінах, па роднай Беларусі і, нарэшце, у будучыню. Зместавую і вобразную аснову гэтых вандровак складуць апoвecці пісьменніка: «Чaлaвeк iдзe», «У краіне райскай птушкі», «Сын вады», «Амок», «Палескія рабінзоны», «Фантамабіль прафесара Цылякоўскага».
Цэнтральным мастацкім вобразам экспазіцыі выступае лодка — як увасабленне падарожжа і як спасылка да той самай лодкі, на якой героі твораў Янкі Маўра выпраўляліся ў далёкія і блізкія падарожжы.
На выставе будуць прадстаўлены рукапісы, кнігі, лісты, фатаграфіі, дакументы, а таксама шматлікія асабістыя рэчы Янкі Маўра і гісторыі, звязаныя з імі. Адметным з’яўляецца партрэт Янкі Маўра мастачкі Алы Замай і фотаздымкі, якія ўзнаўляюць творчую лабараторыю мастачкі. Таксама наведвальнікі пазнаёмяцца з матэрыяламі, звязанымі з эсперантысцкім рухам, актыўным удзельнікам якога быў і сам пісьменнік.
Выстава «Мэтры мастацкага Алімпу: Хаім Суцін і Марк Шагал»
Дзе: г. Мінск, Музей гісторыі горада Мінска, вул. Ракаўская 17.
Калі: да 1 кастрычніка.
Колькі: 5 — 15 BYN
Выстава «Мэтры мастацкага Алімпу: Хаім Суцін і Марк Шагал» запрашае пазнаёміцца з творы Алега Папельскага, якія выкананы ва ўнікальнай тэхналогіі з выкарыстаннем натуральных прыродных камянёў.
Прадстаўленыя ў розных камбінацыях камянёў карціны з’яўляюцца амажамі (hommage), што ў перакладзе з французскай мовы азначае даніну павагі творчасці мастака. Да стварэння ўнікальнай калекцыі карцін з каменёў аўтара заахвоціла вывучэнне творчасці Хаіма Суціна і Марка Шагала. Алег Папельскі быў натхнёны іх трапяткім стаўленнем да Радзімы.
Цыкл «Дарога ў вечнасць» уяўляе сабой амажы знакамітаму мастаку Парыжскай школы Хаіму Суціну. Яркі і поўны трагічнасці лёс майстра прасочваецца ва ўсіх экспануемых творах. Сюжэты звязаны адзінай канцэптуальнай ідэяй: паказаць высокамаральны пачатак у творах мастака, глыбока суперажываць драме свайго народа. Кампазіцыйны складнік кожнага сюжэту з’яўляецца аўтарскай распрацоўкай — у асобных працах побач намаляваны персанажы, якія ніколі не сустракаліся ў рэальным жыцці.
Цыкл «У цёплага дома душы» — гэта амажы па творчасці Марка Шагала. Цэнтральным элементам усіх карцін з’яўляецца Віцебская сінагога, дапаўняюць кампазіцыю персанажы работ Марка Шагала — жыхары яго роднага Віцебска. Галоўная ідэя дадзенай калекцыі заключаецца ў раскрыцці сэнсу пятай запаведзі Хрыста. Гэтай запаведзю Гасподзь загадвае пачытаць (шанаваць, шанаваць і любіць) бацькоў, за што абяцае шчасную і доўгае жыццё.
Дзе: г. Мінск, галерэя «Ракурс» Нацыянальнай бібліятэкі Беларусі, пр-т Незалежнасці, 116
Калі: да 16 кастрычніка
Колькі: уваход па чытацкім білеце або білеце сацыякультурнага цэнтра
Серафіма Патапава (1945-2019) — мастачка-станкавістка, дэкаратар, жывапісец, заснавальнік і кіраўнік унікальнай майстэрні «Танцуючыя мастакі».
Чарлі Чаплін, русалкі, анімалістычныя вобразы (каменны леў, рыбы, вароны, матылі), завялыя кветкі, анёлы, пейзажы з падарожжаў, партрэты дарагіх ёй людзей — ўпадабаныя тэмы аўтара. Усе гэтыя вобразы доўга жылі на палотнах мастачкі, кожны раз здзіўляючы сваёй інтэрпрэтацыяй. Варыятыўнасць любімых персанажаў, сюжэтаў, кампазіцый стварала новыя твары персанажаў, багатую нюансамі палітру настрояў.
Адчуванне класічнай бязлюднасці жанру выразна гучаць і ў яе нацюрмортах. Яна абыходзіць бокам складаныя філасофскія і псіхалагічныя ўзаемаадносіны прадметаў. Піша іх хвостка, ярка, сонечна.
Дзе: г. Мінск, вул. Рэвалюцыйная, 10
Калі: да 31 снежня
У галерэі мастацтваў Леаніда Шчамялёва працуе юбілейная выстава жывапісу і графікі народнага мастака Беларусі Леаніда Дзмітрыевіча Шчамялёва, прысвечаная 100-годдзю з дня нараджэння майстра.
Леанід Дзмітрыевіч Шчамялёў — выдатны мастак сучаснасці, які ўнёс значны ўклад у развіццё мастацкай культуры Беларусі. Яго творчая спадчына адлюстроўвае важнейшыя падзеі гісторыі краіны і штодзённасці, падымае сур’ёзныя грамадзянскія і філасофскія праблемы, падахвочвае да разважання аб самых важных для чалавека рэчы: пра дабро і зло, аб Радзіме, пра каханне і радасці жыцця.
Упершыню ў адной галерэйнай прасторы прадстаўлена 150 карцін народнага мастака Леаніда Дзмітрыевіча Шчамялёва. У дзевяці залах галерэі мастацтваў Леаніда Шчамялёва можна пазнаёміцца са знакавымі работамі атрыятычнай тэматыкі, партрэтамі вядомых дзеячаў і блізкіх людзей, напоўненымі псіхалагічнай глыбінёй, выдатнымі нацюрмортамі — пышнымі і сціплымі, яркімі і пяшчотнымі, якія распавядаюць кожны сваю гісторыю.
І, вядома, на выставе прадстаўлены графічныя работы майстра. Усе творы Леаніда Шчамялёва адрозніваюцца экспрэсіўнасцю і свабоднай пластычнай манерай выканання. Наведвальнікі юбілейнай экспазіцыі змогуць таксама пазнаёміцца з фотаархівам сям’і, які дазволіць убачыць Шчамялёва ў коле сяброў і родных, «дакрануцца» да палітры народнага мастака.
Уплыў творчасці Леаніда Шчамялёва на жывапісную культуру Беларусі другой паловы XX стагоддзя велізарны, а яго жыццёвы шлях мастака і грамадзяніна — гэта высокі прыклад творчага даўгалецця, духоўнай сталасці і жыццёвай мудрасці.
Дзе: г. Мінск, музей «Лошыцкая сядзіба»
Калі: да 31 снежня
Колькі: 5 BYN
Першыя лялькі з’явіліся ў глыбокай старажытнасці і з таго часу чалавек не растаецца з імі. Лялька захавала адгалоскі старажытных уяўленняў і вераванняў, уяўленні пра свет, дабрыню і прыгажосць.
Гульню ў лялькі нашы продкі-беларусы не лічылі пустой забавай, а наадварот, заахвочвалі. Верылі, што чым больш дзіця гуляе і старанна робіць ляльку, тым большы будзе дастатак у сям’і, а жыццё паспяховей.
На майстар-класе Вы даведаецеся, чым адрозніваюца лялькі «стаўбушкі», «пеленашкі», «неразлучнікі», «мотанкі», зможаце іх зрабіць з тканіны, як гэта рабілі нашы продкі да сярэдзіны мінулага стагоддзя.
Вырабляючы абярэг сваімі рукамі, вы перададзіце яму часцінку сябе. Працэс павінен праходзіць у добрым настроі. Задача лялькі абараніць чалавека ад «злых сіл», прыняць на сябе хваробы і няшчасці, а таксама дапамагчы дзецям праз лялечны свет увайсці у «дарослае жыццё», а дарослым ізноў адчуць сябе дзецьмі.
Лялькі-берагіні, якія выраблены сваімі рукамі, стануць абярэгам вашых сям’і і дзіцяці, цікавай цацкай для дзяцей, добрым падарункам любым матулям, бабулям і каханым.
Дзе: г. Мінск, вул. М. Багдановіча, 7а
Калі: да 22 студзеня 2024 года
2023 год — юбілейны для адзінага прыжыццёвага зборніка вершаў Максіма Багдановіча «Вянок», які быў выдадзены ў Вільні ў 1913 годзе.
«Вянок», як і сто гадоў таму, застаецца ў цэнтры ўвагі чытачоў і даследчыкаў, кампазітараў і мастакоў. Супрацоўнікі Літаратурнага музея Максіма Багдановіча беражліва захоўваюць кнігі з аўтографам паэта, прэзентуюць «Вянок» падчас імпрэз і выстаў, збіраюць інфармацыю пра арыгінальныя зборнікі.
Мастацка-дакументальны праект «Вянок „Вянкоў“» вылучаецца арыгінальным падыходам. Па-першае, выстава ўпісана ў асноўную экспазіцыю музея, па-другое, будзе доўжыцца год, да студзеня 2024 года, і будзе зменнай — кожны месяц будуць прэзентавацца новыя экспанаты. Галоўныя сярод іх — кнігі «Вянок» 1913 года, якія захоўваюцца ў фондах Літаратурнага музея Максіма Багдановіча і ў фондах розных устаноў навукі і культуры Беларусі.
А пачынаецца выставачны праект з «Вянка» Максіма Багдановіча, які 22 сакавіка 1914 года ён падарыў любімай цётцы — Марыі Ягораўне Галаван (Багдановіч). Экспануюцца каштоўныя матэрыялы з фондаў Літаратурнага музея Максіма Багдановіча: «Вянок» (Вільня, 1913) з аўтографам аўтара, фотаздымкі Марыі Галаван і яе дома ў Ніжнім Ноўгарадзе, дзе яна пражыла амаль 20 гадоў, віншаванні любай цётцы ад пляменнікаў.
Прэв’ю: pexels.com
Бяспека рэальная, віртуальная, у навальніцу і на адлегласці.
Яшчэ нядаўна поле сланечніку здавалася нам дзіўнай з'явай.
«Эфект шафёра» лічыцца адной з распаўсюджаных ментальных пастак.
Хто здолее змяніць гісторыю ці змяніцца пад яе ўплывам?
