Другі энергаблок БелАЭС уключаны ў сетку, паведамілі ў прэс-службе Міністэрства энергетыкі.
«27 мая ў 21.05 другі энергаблок Беларускай атамнай электрастанцыі ўключаны ў сетку пасля завяршэння планавых выпрабаванняў на ўзроўні магутнасці рэактарнай устаноўкі 50% у рамках праграмы энергетычнага пуску. Ідзе паэтапны набор магутнасці», — распавялі ў прэс-службе.
Як раней тлумачыў міністр энергетыкі Віктар Каранкевіч, выпрабаванні энергаблока перад уводам у эксплуатацыю прадугледжваюць адключэння ад сеткі. «Будзе праводзіцца вялікі спектр выпрабаванняў на розных рэжымах працы рэактарнай устаноўкі, турбагенератара. У тым ліку з адключэннем другога энергаблока ад сеткі як на этапе энергетычнага пуску, так і на этапе доследна-прамысловай эксплуатацыі. Гэта сусветная практыка. Адключэння ад сеці таксама прадугледжаны таксама мерапрыемствамі этапных праграм. Самае галоўнае — мы павінны пераканацца ў тым, што абсталяванне і тэхналагічныя сістэмы, уключаючы сістэмы бяспекі, працуюць надзейна, у адпаведнасці з праектнымі параметрамі і паказчыкамі», — падкрэсліў ён.
Беларуская АЭС з двума рэактарамі ВВЭР-1200 сумарнай магутнасцю 2400 МВт пабудавана па расейскім праекце «АЭС-2006», які адносіцца да эвалюцыйных праектаў АЭС з вода-вадзянымі рэактарамі (ВВЭР) трэцяга пакалення. Яны маюць палепшаныя тэхніка-эканамічныя паказчыкі. Галоўная іх асаблівасць — унікальнае спалучэнне актыўных і пасіўных сістэм бяспекі.
Прэв’ю: БелТА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!