У гістарычным цэнтры Мінска адбылося свята «Чай для гармоніі сусвету», якое з’яўляецца асноўнай падзеяй 2023 года ў рамках плана «Культурны шоўкавы шлях» Міністэрства культуры і турызму Кітайскай Народнай Рэспублікі. Арганізатарамі святочнага мерапрыемства сталі Міністэрства культуры і турызму КНР, Міністэрства культуры Рэспублікі Беларусь, Пасольства КНР у Беларусі, Мінскі гарадскі выканаўчы камітэт. На адкрыцці свята выступілі старшыня Мінскага гарадскога выканаўчага камітэта Уладзімір Кухараў, Надзвычайны і Паўнамоцны Пасол Кітая ў Беларусі Се Сяоюн.
На свята ў Мінск прыбыла культурная дэлегацыя правінцыі Юньнань. У ёй артысты эстрады і майстры, якія наследуюць мясцовыя чайныя нематэрыяльныя культурныя традыцыі.
Перад гледачамі была разгорнута маляўнічая прэзентацыя нацыянальнага адзення этнічных меньшасцей правінцыі Юньнань. Прагучалі песні, выконваліся танцы гэтых мясцін. Разам з гасцямі сваё сцэнічнае майстэрства прадэманстрыравалі і беларускія артысты. Вельмі цікавым быў паказ старажытнага мастацтва гатавання некалькіх відаў чая, дэгустацыя страў кітайскай кухні. Жадаючыя змаглі павучыцца ў кітайскіх спецыялістаў па каліграфіі, паспрабаваць сябе ў стварэнні папяровых карункаў.
Яўген ПЯСЕЦКІ
Фота аўтара
Панядзелак для Львоў — спрыяльны дзень для творчасці і новых ідэй.
