Вы тут

Лук’яновіч: ЗРК С-400 — сур’ёзны аргумент для забеспячэння бяспекі нашай краіны


Ваеннаслужачыя войскаў проціпаветранай абароны не па чутках ведаюць цану бяспецы. Аб гэтым заявіў ваенным журналістам камандуючы Ваенна-паветранымі сіламі і войскамі проціпаветранай абароны Узброеных Сіл Рэспублікі Беларусь палкоўнік Андрэй Лук’яновіч у час прыбыцця 28 мая зенітнага ракетнага комплексу С-400 у Беларусь. Аб гэтым паведамляе БелТА са спасылкай на Міністэрства абароны.


Фота: «Ваяр»

«Для Ваенна-паветраных сіл і войскаў проціпаветранай абароны 28 мая знакавы дзень. Мы сустракаем чарговае наша падраздзяленне зенітных ракетных войскаў, узброенае сучаснымі зенітнымі ракетнымі комплексамі С-400, якое прыбыло з палігона Расійскай Федэрацыі, — сказаў Андрэй Лук’яновіч. — Як адзначыў галоўнакамандуючы, у Год міру і стварэння, у няпростай ваенна-палітычнай абстаноўцы, у якой мы цяпер апынуліся, ваеннаслужачыя нашага віду Узброеных Сіл — сапраўдныя абаронцы беларускага неба, яны не па чутках ведаюць цану бяспецы. Прэзідэнт вельмі шмат удзяляе ўвагі абараназдольнасці паветраных рубяжоў. Ідзе планавае перааснашчэнне на новыя ўзоры ўзбраення, ваеннай і спецыяльнай тэхнікі нашага віду Узброеных Сіл».

У адпаведнасці з планам будаўніцтва і развіцця Узброеных Сіл і ваенна-тэхнічнага супрацоўніцтва з Расійскай Федэрацыяй мы атрымліваем сучасныя ўзоры ўзбраення, ваеннай і спецыяльнай тэхнікі. «Нашы спецыялісты, нашы баявыя разлікі на палігоне Расійскай Федэрацыі выканалі ўсе пастаўленыя задачы па абучэнні, удасканаленні, баявым прымяненні зенітнага ракетнага комплексу С-400», — адзначыў камандуючы Ваенна-паветранымі сіламі і войскамі проціпаветранай абароны.

Зенітны ракетны комплекс С-400 — сур’ёзны аргумент для гарантавання бяспекі нашай краіны і мірнай працы нашых грамадзян, падкрэсліў Андрэй Лук’яновіч. «Чаму менавіта С-400? На сённяшні дзень гэта самы сучасны зенітны ракетны комплекс, здольны паражаць усю наменклатуру паветраных цэлей — сродкі паветранага нападзення, у тым ліку якія ляцяць па балістычных траекторыях з далёкасцю да 400 км. Высокія характарыстыкі, тактыка-тэхнічныя даныя комплексу, падрыхтаваныя баявыя разлікі — гэта сур’ёзны аргумент для гарантавання бяспекі нашай краіны і мірнай працы нашых грамадзян, — дадаў ён. — Дзякуючы планавай і сістэмнай рабоце па пераўзбраенні і перааснашчэнні мы заўсёды маем высокія паказчыкі прафесіяналізму ваеннаслужачых войскаў проціпаветранай абароны».

Выбар рэдакцыі

Грамадства

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.