Здарэнне адбылося ў абласным цэнтры на праспекце Будаўнікоў уначы. Кіроўца аўтамабіля таксі ўрэзаўся ў светлавую апору.
У выніку ўдару дзве дзяўчыны-пасажыркі атрымалі траўмы рознай ступені цяжкасці. Сам кіроўца пашкоджанняў не меў. Пры гэтым ён аказаў непадпарадкаванне супрацоўнікам ДАІ, якія прыбылі.
Як высветлілася, 40-гадоваму мужчыну было, што хаваць ад праваахоўнікаў. Па інфармацыі УУС Віцебскага аблвыканкама, у момант аварыі ён знаходзіўся ў стане алкагольнага ап’янення. Агляд паказаў наяўнасць у яго аналізах амаль 3 праміле.
Па словах шафёра, ён піў спіртное разам са сваімі знаёмымі дзяўчынамі, пасля чаго ўся кампанія села ў аўто і паехала дадому да мужчыны для працягу бяседы. Па дарозе іншамарка і патрапіла ў ДТЗ.
Пасажыры былі шпіталізаваны ў абласную бальніцу. Кіроўца затрыманы. На мужчыну складзены шэраг пратаколаў па лініі ДАІ.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.