Унікальны турыстычны праект «Дарогамі Кацярыны», які на Гомельшчыне ажыццяўляецца пры падтрымцы Гомельскага і Кармянскага раённых Саветаў дэпутатаў, быў прадстаўлены на ХХІV Міжнароднай выстаўцы «Вясна ў Гомелі».
У праграме набуйнейшага рэгіянальнага форуму Беларусі прайшлі дзелавыя перагаворы, сустрэчы бізнес-супольнасцяў, круглыя сталы і дыскусійныя пляцоўкі.
У рамках міжнароднай выстаўкі «Вясна ў Гомелі» ў тым ліку быў арганізаваны круглы стол на тэму «Класіка і інавацыі ў турызме — падзяляць ці сумяшчаць?» Удзельнікі сустрэчы абмеркавалі заяўленыя пытанні на прыкладзе праекта «Дарогамі Кацярыны». Ён займаецца распрацоўкай канцэпцый новых турыстычных аб’ектаў, лакальных і міжнародных турыстычных маршрутаў, у змест якіх уключаны рэальныя факты, звязаныя з расійскай імператрыцай Кацярынай ІІ.
Аб ролі органаў мясцовага самакіравання ў рэалізацыі ўнікальнага для Гомельшчыны турыстычнага праекта распавяла старшыня Гомельскага раённага Савета дэпутатаў Вікторыя Ладуцька, якая таксама з’яўляецца старшынёй Гомельскай абласной асацыяцыі мясцовых Саветаў дэпутатаў.
— Выпрацаваць якасны турыстычны прадукт, цікавы розным катэгорыям турыстаў, у тым ліку замежным, — такую задачу ставяць перад сабой удзельнікі праекта «Дарогамі Кацярыны». Яго ідэя — стварэнне комплекснага міжнароднага маршруту. Між тым важны складальнік рэалізацыі праекта — стварэнне ўмоў для развіцця рэгіянальнага турыстычнага патэнцыялу праз узаемадзеянне органаў мясцовага самакіравання, — звярнула ўвагу дэпутат. — Праект «Дарогамі Кацярыны» на тэрыторыі Гомельскага раёна ахапіў Грабоўскі, Маркавіцкі, Прыбыткаўскі і Урыцкі сельскія Саветы. Такі вопыт вельмі паказальны ў плане таго, што ў межах канкрэтнай тэрыторыі ствараецца шырокі асартымент турыстычных прадуктаў, кожны з якіх будзе накіраваны на пэўную аўдыторыю спажыўцоў.
У круглым стале ўзялі ўдзел начальнік галоўнага ўпраўлення ідэалагічнай работы, культуры і па справах моладзі Гомельскага аблвыканкама Дзяніс Язерскі, дырэктар прыватнай установы «Тэрыторыя развіцця — 21 стагоддзе», аўтар ідэі і праекта «Дарогамі Кацярыны» Ірына Багданец.
— Ідэя стварэння новых турыстычных аб’ектаў узнікла на аснове легендаў і гістарычных фактаў аб падарожжы імператрыцы Кацярыны ІІ па тэрыторыі Гомельскага і Кармянскага раёнаў, — нагадала Ірына Багданец.
Менавіта гэтыя два рэгіёны Гомельшчыны летась першымі падпісалі Пагадненне аб супрацоўніцтве ў рамках рэалізацыі турыстычнага праекта.
Падчас круглага стала ў межах міжнароднай выстаўкі «Вясна ў Гомелі» былі падпісаны дадатковыя пагадненні. Так, да асноўнага Пагаднення аб супрацоўніцтве паміж Гомельскім і Кармянскім раённымі Саветамі дэпутатаў далучыліся Бранскі тэхнікум індустрыі сэрвісу і Гомельскі дзяржаўны тэхнічны ўніверсітэт імя Паўла Сухога. Такім чынам міжрэгіянальнае ўзаемадзеянне ўдзельнікаў праекта дасць магчымасць унесці значны ўклад у развіццё тэрыторый і рэгіянальнага турызму, захаваць гісторыка-культурную спадчыну, адзначылі ўдзельнікі сустрэчы. На іх думку, праект «Дарогамі Кацярыны» — гэта не толькі геаграфія маршрутаў, але і новы погляд на гістарычную спадчыну, развіццё гістарычнага турызму.
Непасрэдны ўдзельнік праекта — дэпутат Гомельскага раённага Савета дэпутатаў, дырэктар Грабаўскай сярэдняй школы Таццяна Мацюшэнка адзначыла, што «Дарогі Кацярыны» могуць стаць дарогамі кожнага.
Між тым у фармаце круглага стала былі абмеркаваны разнастайныя аспекты развіцця турыстычнай сферы ў цэлым. Гэта рэсурсы і магчымасці, пытанні брэндзіравання тэрыторый, атлас турыстычных сувеніраў і яго роля ў эфектыўнасці работы турыстычных маршрутаў і аб’ектаў.
Наталля КАПРЫЛЕНКА
Фота Гомельскага раённага Савета дэпутатаў
Бяспека рэальная, віртуальная, у навальніцу і на адлегласці.
Яшчэ нядаўна поле сланечніку здавалася нам дзіўнай з'явай.
«Эфект шафёра» лічыцца адной з распаўсюджаных ментальных пастак.
Хто здолее змяніць гісторыю ці змяніцца пад яе ўплывам?
