Вы тут

Як прайшла дабрачынная акцыя «Лапа дружбы» у Мінску


Дабрачынная акцыя «Лапа дружбы», прымеркаваная да Міжнароднага Дня абароны дзяцей, прайшла сёння раніцай ва ўнутраным дворыку гатэля для жывёл ДП «Фауна Горада».


Гасцей чакалі выстава катоў і сабак, конкурсная праграма з аніматарамі, майстар-класы ад ветэрынара па доглядзе жывёлы. Таксама можна было паглядзець, як кінолаг дрэсіруе сабак і даведацца, як паводзіць сябе, каб заставацца ў бяспецы пры сустрэчы з бяздомнымі жывёламі.

Дырэктар прадпрыемства ДП «Фауна Горада» Тамара Царыкоўская каментуе, што галоўная мэта акцыі — гэта пошук уладальнікаў для жывёл. На дадзены момант тут 109 сабак і 143 каты.

Дабрачынныя акцыі прадпрыемства праводзіць рэгулярна двойчы за год, аднак такое маштабнае мерапрыемства — ўпершыню.

Таксама Тамара Царыкоўская папярэджвае, што імпульсіўна браць жывёлу пасля такой акцыі яны не рэкамендуюць:

— Калі чалавек спантанна вырашыў забраць жывёлу, мы заўсёды гаворым: «Вам трэба падумаць», таму што жывёла — гэта адказнасць. Калі ж людзі прыходзяць мэтанакіравана — аддаём без праблем.

Дзеці былі ў захапленні ад гэтага мерапрыемства. Яны з задавальненнем гулялі з жывёламі, удзельнічалі ў конкурсах, рабілі фатаграфіі на тэматычнай фотазоне.

Таксама ўсім жадаючым была дадзена магчымасць наведаць з экскурсіяй ДП «Фауна горада» і нават выгуляць жывёл пасля папярэдняга інструктажу.

Лізавета ГОЛАД

Фота аўтара

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».