З 14 чэрвеня пачне курсіраваць новы цягнік № 275/276 Самара — Мінск — Самара

У мэтах умацавання транспартных сувязей і развіцця міжнародных пасажырскіх перавозак паміж дзвюма краінамі Беларуская чыгунка і ААТ «РЧ» на летні перыяд прызначылі новы поезд у зносінах Самара — Мінск. Пра гэта інфармуе прэс-цэнтр магістралі.

У першы рэйс цягнік № 275/276 адправіцца з Самары ў 13.30 і прыбудзе ў Мінск на наступныя суткі 15 чэрвеня ў 23.53. З Мінска састаў адправіцца 16 чэрвеня ў 21.57 і прыбудзе ў Самару 18 чэрвеня ў 8.56.

Далей з 14 чэрвеня па 13 верасня ён будзе адпраўляцца з Самары штотыдзень па серадах і прыбываць у сталіцу Беларусі па чацвяргах, з Мінска з 16 чэрвеня па 15 верасня цягнік будзе адпраўляцца па пятніцах і прыбываць у Самару па нядзелях.

У састаў цягніка ўключаны плацкартныя і купэйныя вагоны, у тым ліку вагон, абсталяваны купэ для перавозкі пасажыраў з абмежаванымі фізічнымі магчымасцямі.

Пры афармленні праязных дакументаў дзейнічае сістэма дынамічнага цэнаўтварэння, таксама ў плацкартных вагонах прымяняецца зніжка 10 працэнтаў на бакавыя месцы. Прадастаўляюцца зніжкі для арганізаваных груп пасажыраў 20 працэнтаў і 30 працэнтаў у залежнасці ад колькаснага складу групы.

Продаж квіткоў на цягнік № 275/276 Самара — Мінск ужо адкрыты.

На тэрыторыі нашай краіны цягнік састаў робіць прыпынкі ў Барысаве і Оршы, на тэрыторыі Расійскай Федэрацыі — у Смаленску, Туле, Пензе, Сызрані і іншых гарадах.

Самара — адзін з найпрыгажэйшых гарадоў Расіі, размешчаны на рацэ Волзе, нагадвае прэс-цэнтр Беларускай чыгункі. Гэта буйны прамысловы, культурны і турыстычны цэнтр Паволжа, які заснаваны ў канцы XVI стагоддзі. Турыстаў прыцягвае ўнікальнае архітэктурнае аблічча горада, самая працяглая рачная набярэжная ў Расіі, зялёныя паркі, алеі і дзясяткі музеяў з багатымі экспазіцыямі.

Больш падрабязную інфармацыю аб кошце праезду і графіку руху цягніка № 275/276 Самара — Мінск можна атрымаць на афіцыйным інтэрнэт-сайце www.rw.by, з дапамогай афіцыйнага мабільнага дадатку «БЧ. Мой цягнік» і па тэлефоне Кантакт-цэнтра Беларускай чыгункі 105 (падтрымка пасажыраў, якія знаходзяцца за межамі Рэспублікі Беларусь, па тэлефоне +375 222 39 25 47).

Сяргей РАСОЛЬКА

Прэв’ю: БелТА