Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў народ Італіі з нацыянальным святам — Днём абвяшчэння Італьянскай Рэспублікі, паведамілі ў прэс-службе беларускага лідара.
«Незалежна ад знешніх акалічнасцей, народы Беларусі і Італіі імкнуцца да ўзаемаразумення, павагі і дапамогі. Мы даражым дружбай паміж намі і стараемся яе захаваць, таму што, як гаворыцца ў вядомай італьянскай прыказцы, хто знайшоў сябра — знайшоў скарб», — гаворыцца ў віншаванні.
Беларусаў і італьянцаў аб’ядноўвае чулае стаўленне да сям’і і дзяцей, адданасць сваёй зямлі, шчырасць у адносінах да іншых, дружалюбнасць і гасціннасць, заўважыў кіраўнік дзяржавы.
«Трэба берагчы назапашаны вопыт двухбаковых кантактаў. Упэўнены, плённае ўзаемадзеянне на карысць нашых краін прадоўжыцца, а прыклады паспяховага супрацоўніцтва, якімі мы будзем ганарыцца, у тым ліку ў сферах гандлю, турызму, культуры, будуць памнажацца», — падкрэсліў Прэзідэнт.
Аляксандр Лукашэнка пажадаў народу Італіі міру, працвітання і дабрабыту.
Прэв’ю: БелТА
Бяспека рэальная, віртуальная, у навальніцу і на адлегласці.
Яшчэ нядаўна поле сланечніку здавалася нам дзіўнай з'явай.
«Эфект шафёра» лічыцца адной з распаўсюджаных ментальных пастак.
Хто здолее змяніць гісторыю ці змяніцца пад яе ўплывам?
