Вы тут

Беларусь і Кітай актывізуюць супрацоўніцтва ў сферы гандлю машынабудаўнічай прадукцыяй


Дарожная карта па рэалізацыі мемарандума аб супрацоўніцтве паміж Міністэрствам прамысловасці Беларусі і Кітайскай гандлёвай палатай па экспарце і імпарце электроннай і машынабудаўнічай прадукцыі падпісана 2 чэрвеня ў КНР. Пра гэта паведамілі ў прэс-службе Мінпрама.


Фота: прэс-служба Мінпрама

Подпісы пад дакументам паставілі намеснік міністра прамысловасці Беларусі Аляксандр Яфімаў і прэзідэнт Кітайскай гандлёвай палаты па экспарце і імпарце электроннай і машынабудаўнічай прадукцыі Чжан Юцзін.

Кітайская гандлёвая палата па экспарце і імпарце электроннай і машынабудаўнічай прадукцыі — гэта галіновая арганізацыя, якая аб’ядноўвае больш за 10 тыс. буйных дзяржаўных прадпрыемстваў галіны, а таксама прадпрыемстваў малога і сярэдняга бізнесу КНР.

Падчас сустрэчы Аляксандр Яфімаў і Чжан Юцзін абмеркавалі пытанні арганізацыі бізнес-місій кітайскіх кампаній у Беларусь, пошуку партнёраў для стварэння сумесных прадпрыемстваў, а таксама рэалізацыі інвестыцыйных праектаў.

У рамках візіту ў Кітай намеснік міністра прамысловасці Аляксандр Яфімаў у складзе беларускай дэлегацыі пад кіраўніцтвам міністра эканомікі Аляксандра Чарвякова прыняў удзел у нарадзе экспертнай групы па пытаннях развіцця кітайска-беларускага індустрыяльнага парку «Вялікі камень», падчас якога выступіў з інфармацыйным дакладам пра патэнцыял і перавагі стварэння і глыбокай лакалізацыі вытворчасцяў у Беларусі. Таксама праінфармаваў кітайскі бок пра існуючыя ўмовы развіцця прадпрыемстваў і магчымасці пашырэння прысутнасці выпускаемай у Беларусі прадукцыі на рынку ЕАЭС.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».