У гэтым годзе плануецца мадэрнізаваць лакальна-вылічальную сетку Белгідрамета. Пра гэта ў інтэрв’ю БелТА паведаміў міністр прыродных рэсурсаў і аховы навакольнага асяроддзя Андрэй Худык.
«За апошнія 5 гадоў сетка назіранняў Белгідрамета зведала істотныя змены. Была пашырана сетка прыземных метэаралагічных назіранняў, цяпер яна налічвае 67 аснашчаных аўтаматызаванымі сістэмамі назірання метэастанцый. Гэта дазволіла нам праводзіць назіранні ў пачашчаным рэжыме — з дзесяціхвілінным інтэрвалам», — распавёў Андрэй Худык.
Таксама павялічана колькасць радыёлакатараў з трох да пяці. Цяпер радыёлакацыйнай сеткай пакрыта ўся краіна. Спецыялісты бачаць неабходную інфармацыю аб небяспечных і неспрыяльных з’явах, пачынаючы з подступаў да Беларусі.
«Адзначу, што мадэрнізацыя назіральнай сеткі Белгідрамета прывяла да павелічэння дадзеных, якія неабходна апрацоўваць і захоўваць. З-за гэтага існуючая інфраструктура, на жаль, ужо не спраўляецца з такім аб’ёмам дадзеных. У сувязі з гэтым сёлета стаіць задача мадэрнізаваць лакальна-вылічальную сетку», — сказаў міністр.
Прэв’ю: БелТА
Справа няпростая, але ўдзячная.
У Беларусі за апошнія 10–12 гадоў як агульная, так і пярвічная дзіцячая захваральнасць застаюцца прыкладна на адным узроўні.
Хто здолее змяніць гісторыю ці змяніцца пад яе ўплывам?
