У Аргенціне вызначыліся ўсе чвэрцьфіналісты маладзёжнага ЧС па футболе

У Аргенціне вызначыліся ўсе ўдзельнікі чвэрцьфінальнай стадыі футбольнага чэмпіянату свету сярод маладзёжных каманд (U-20), паведамляе БелТА.

Гаспадары турніру аргенцінцы нечакана выбылі з барацьбы за ўзнагароды, прайграўшы ў 1/8 фіналу аднагодкам з Нігерыі з лікам 0:2. У чвэрцьфінале Нігерыйцы сустрэнуцца з камандай Рэспублікі Карэя, якая перайграла эквадорцаў з вынікам 3:2. Саставы астатніх пар: ЗША — Уругвай, Бразілія — Ізраіль, Італія — Калумбія.

Чвэрцьфінальныя сустрэчы адбудуцца сёння і заўтра, паўфінальныя гульні пройдуць 8 чэрвеня, вырашальны паядынак і гульня за бронзу 23-га па ліку маладзёжнага планетарнага форуму адбудуцца 11 чэрвеня ў Ла-Плаце. Пераможцамі папярэдняга сусветнага маладзёжнага першынства, які праходзіў у 2019 годзе ў Польшчы, сталі ўкраінскія футбалісты, якія абыгралі ў фінале каманду Рэспублікі Карэя.