Міністэрства аховы здароўя і «Сінафарм» падпісалі пагадненне аб будаўніцтве медустаноў

Падчас наведвання КНР прадстаўнікі Міністэрства аховы здароўя Беларусі падпісалі пагадненне аб супрацоўніцтве з кампаніяй «Сінафарм» (China Sinopharm International Corporation) па рэалізацыі шэрагу праектаў. Пра гэта паведамілі ў прэс-службе Міністэрства аховы здароўя.

У прыватнасці, падпісана пагадненне аб будаўніцтве на беларускай тэрыторыі медыцынскіх устаноў «пад ключ» і пастаўцы медабсталявання кітайскай вытворчасці.

Акрамя таго, дэлегацыя Беларусі наведала Пекінскі ўніверсітэт. Бакі абмеркавалі магчымасць супрацоўніцтва і абмену выкладчыкамі і студэнтамі для ўдзелу ў навукова-практычных канферэнцыях і стажыроўках, а таксама правядзенне сумесных навуковых даследаванняў і інш. «Калегам перададзены праект пагаднення аб супрацоўніцтве з БДМУ», — адзначылі ў прэс-службе.

Таксама абмяркоўвалася магчымасць узаемадзеяння з універсітэтам у сферы гематалогіі. Гаворка ідзе аб падрыхтоўцы спецыялістаў у галіне малекулярнай біялогіі — Cart-тэрапіі і новых тэхналогій пры алагенай і ауталогічнай трансплантацыі касцявога мозгу. «Прапанавана канцэпцыя арганізацыі сумеснага цэнтра Cart-тэрапіі для аказання высокатэхналагічнай медыцынскай дапамогі пацыентам», — распавялі ў Міністэрстве аховы здароўя.