Узровень выкарыстання традыцыйных відаў другасных матэрыяльных адходаў у Беларусі дасягае 90%

Узровень выкарыстання традыцыйных відаў другасных матэрыяльных адходаў у Беларусі дасягае 90%. Пра гэта БелТА расказаў міністр прыродных рэсурсаў і аховы навакольнага асяроддзя Андрэй Худык.

Паводле яго слоў, штогод у Беларусі ўтвараецца ў сярэднім каля 60 млн т адходаў вытворчасці і 4 млн т камунальных адходаў. У складзе адходаў вытворчасці найбольшымі аб’ёмамі ўтварэння характарызуюцца так званыя буйнатанажныя адходы (адходы вытворчасці калійных угнаенняў і фосфагіпсу). На іх долю прыпадае каля 65% гадавога выхаду, а таксама звыш 95% агульнага аб’ёму назапашаных адходаў вытворчасці па краіне

«Без уліку буйнатанажных адходаў узровень выкарыстання адходаў вытворчасці складае каля 80%. Пры гэтым узровень выкарыстання традыцыйных відаў другасных матэрыяльных рэсурсаў, якія адносяцца да адходаў вытворчасці (макулатура, шклабой, палімерныя адходы, зношаныя шыны), дасягае 90% і больш», — распавёў Андрэй Худык.

Ён дадаў, што дынамічнаму росту ўзроўню выкарыстання ЦКА ў 2022 годзе спрыялі праводзімая работа па ўдасканаленні заканадаўства ў галіне абыходжання з адходамі, а таксама пастаянны кантроль з боку тэрытарыяльных органаў Мінпрыроды, у прыватнасці за недапушчэннем пахавання другасных матэрыяльных рэсурсаў.

«Па дадзеных Міністэрства жыллёва-камунальнай гаспадаркі, гэты паказчык па выніках года склаў 32%, што ў тры разы вышэй за паказчык 2012 года. Велізарную ролю ў дасягненні такога ўзроўню адыгрывае інфармацыйная і тлумачальная работа па пытаннях паасобнага збору адходаў і іх далейшай перапрацоўцы», — заявіў міністр прыродных рэсурсаў і аховы навакольнага асяроддзя.

Прэв’ю: БелТА