Вы тут

Больш за 50 прадпрыемстваў Мінпрама прымуць удзел у міжнароднай выстаўцы «Белагра-2023»


Больш за 50 прадпрыемстваў сістэмы Міністэрства прамысловасці прымуць удзел у міжнароднай спецыялізаванай выстаўцы «Белагра-2023», паведамілі БелТА ў прэс-службе Мінпрама.


Традыцыйна шырока будуць прадстаўлены холдынгі «Гомсельмаш», «МТЗ-Холдынг», «Бабруйскаграмаш», «Белаўтамаз», «АМКАДОР», «Лідсельмаш», Мінскі маторны завод, «Аўтакампаненты» і інш. На форуме прадпрыемствы прадэманструюць каля 160 узораў тэхнікі і абсталявання для работы ў полі — камбайны, кормаўборачную і глебаапрацоўчую тэхніку, трактары, пасяўныя і пагрузачныя машыны, а таксама абсталяванне для ўнясення ўгнаенняў.

Увазе наведвальнікаў будуць прадстаўлены як перадавыя распрацоўкі, так і флагманскія машыны. Напрыклад, «Гомсельмаш» прадставіць мадэрнізаваны кормаўборачны камбайн новага тыпу FS80 Pro (з даздрабняльнікам зерня кукурузы і новымі адаптарамі — складной жняяркай для грубасцяблістых культур), Мінскі трактарны завод — мадэрнізаваны трактар BELARUS-742 і міні-трактар BELARUS-182, а таксама беспілотны трактар МТЗ BELARUS A3523i.

«Белагра-2023» па праву лічыцца галоўнай прафесійнай выстаўкай інавацыйных тэхнічных і тэхналагічных рашэнняў у АПК. Удзел у ёй дае прадпрыемствам магчымасць прадставіць патэнцыяльным спажыўцам прадукцыю, абмяняцца вопытам, знайсці новых дзелавых партнёраў і заключыць выгадныя кантракты, наведвальнікам — атрымаць інфармацыю непасрэдна ў вытворцы і падпісаць дагаворы для абнаўлення матэрыяльна-тэхнічнай базы.

Прадугледжана і забаўляльная праграма для наведвальнікаў форуму. Напрыклад, упершыню плануецца выкарыстоўваць збожжаўборачны камбайн GS5 ААТ «Гомсельмаш» не па прамым прызначэнні, а ў якасці раскідальніка цукерак, што, безумоўна, павінна выклікаць захапленне ў юных наведвальнікаў выстаўкі. Шоу пад назвай «Салодкі ўраджай» будзе праходзіць з 6 па 10 чэрвеня, камбайн будзе выгружаць цукеркі непасрэдна на выставачнай пляцоўцы. Таксама для прыцягнення наведвальнікаў да экспазіцыі будзе працаваць аніматар у касцюме робата-трансформера, запланавана і выступленне артыстаў заводскага ДК.

Прэв’ю: БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».