Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў народ Швецыі з Нацыянальным днём. Пра гэта паведамілі ў прэс-службе беларускага лідара.
«Два стагоддзі міру, якія забяспечылі вашаму народу нейтралітэт, і непрыналежнасць да ваенных саюзаў спрыялі будаўніцтву развітой, самастойнай, сацыяльна арыентаванай дзяржавы. На жаль, сыходзіць у нябыт гэтая палітыка Швецыі, якая магла б стаць выратавальным прыкладам для мноства краін у Еўропе і свеце. Мілітарызацыя, сучасныя нелегітымныя санкцыі супраць суседзяў вядуць толькі да росту напружанасці і нестабільнасці ў рэгіёне, падрываюць эканамічны дабрабыт шведаў. Перакананы, што насуперак усім палітычным супярэчнасцям, кампаніям па дэзінфармацыі ў дачыненні да Беларусі нашы народы захаваюць добрыя адносіны, пабудаваныя на імкненні да сацыяльнай справядлівасці і павазе сумленнай працы», — гаворыцца ў віншаванні.
Кіраўнік дзяржавы падкрэсліў, што Беларусь шчыра зацікаўлена ў аднаўленні палітычнага дыялогу са Швецыяй, заснаванага на раўнапраўі і ўзаемнай павазе.
«Толькі праз пашырэнне супрацоўніцтва ў эканамічнай, гуманітарнай, прыродаахоўнай і іншых галінах беларусы і шведы могуць садзейнічаць дасягненню міру і ўмацаванню бяспекі ў краінах Еўропы», — адзначыў Аляксандр Лукашэнка.
Прэв’ю: БелТА
Справа няпростая, але ўдзячная.
У Беларусі за апошнія 10–12 гадоў як агульная, так і пярвічная дзіцячая захваральнасць застаюцца прыкладна на адным узроўні.
Хто здолее змяніць гісторыю ці змяніцца пад яе ўплывам?
