Прэм’ер-міністр Беларусі Раман Галоўчанка анансаваў павесткі Еўразійскага міжурадавага савета і Савета кіраўнікоў урадаў СНД у Сочы, паведамілі ў прэс-службе ўрада.
У Сочы з 7 па 9 чэрвеня пройдуць пасяджэнне Еўразійскага міжурадавага савета і Савет кіраўнікоў урадаў СНД, а таксама шэраг спадарожных мерапрыемстваў, у прыватнасці выстава кааперацыйных праектаў «Еўразія — наш дом» і III Еўразійскі кангрэс. «Парадак дня пасяджэння міжурадсавета шырокі — 22 пытанні, 10 з якіх будуць абмяркоўвацца ў вузкім складзе. Парадак дня Савета кіраўнікоў урадаў СНД уключае 17 пунктаў, у тым ліку тры для абмеркавання ў вузкім складзе», — распавёў Раман Галоўчанка.
Паводле яго слоў, падчас візіту плануецца правесці двухбаковыя сустрэчы з кіраўнікамі ўрадаў іншых краін. «Акрамя гэтага, мы падрабязней разгледзім падрыхтоўку да сустрэчы з дэлегацыяй Расійскай Федэрацыі. У першую чаргу неабходна засяродзіцца на пытаннях практычнай рэалізацыі дамоўленасцей кіраўнікоў дзяржаў, якія былі дасягнуты на крайняй сустрэчы. Таксама трэба абгаварыць пытанне далейшага развіцця прамысловай кааперацыі», — адзначыў прэм’ер-міністр.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
