Вы тут

Крупко: гэта адпраўны пункт умацавання супрацоўніцтва


У Гомелі сёння пратакол аб намерах супрацоўніцтва падпісалі старшыня Гомельскага аблвыканкама Іван Крупко і губернатар Прыморскага краю Расійскай Федэрацыі Алег Кажамяка. Дакументам прадугледжаны пашырэнне і паглыбленне доўгатэрміновай сумеснай работы ў сферы эканомікі, гандлю, навукі, тэхналогій, культуры, спорту і турызму, аховы здароўя, а таксама ў іншых відах дзейнасці.


Як адзначыў Іван Крупко, па выніках мінулага года і за першыя месяцы бягучага знешнегандлёвы тавараабарот паміж беларускім і расійскім рэгіёнамі мае станоўчую дынаміку. У першым квартале 2023 года аб’ём узаемнага гандлю ў параўнанні з аналагічным перыядам мінулага года вырас ў 11 разоў і склаў 4,3 мільёна долараў.

— Сённяшні дакумент — адпраўны пункт умацавання нашага супрацоўніцтва, — падкрэсліў важнасць пратакола аб намерах супрацоўніцтва паміж Прыморскім краем і Гомельскім аблвыканкамам Іван Крупко.

Старшыня аблвыканкама выказаў гатоўнасць абмяркоўваць любыя прапановы, накіраваныя на актывізацыю двухбаковага супрацоўніцтва:

— Створым рабочую групу, якая будзе аператыўна рэагаваць на канкрэтныя запыты расійскіх партнёраў, забяспечыць максімальную падтрымку ўсіх канструктыўных ідэй і праектаў не толькі ў эканамічнай, але і ў гуманітарнай сферы, — заклікаў кіраўнік беларускага рэгіёна. — Мы адкрыты да ўзаемадзеяння ў сферах спорту, турызму і аздараўлення, адукацыі, маладзёжнай палітыкі і патрыятычнага выхавання падрастаючага пакалення. 

Як адзначыў губернатар Прыморскага краю Алег Кажамяка, расійскі рэгіён адкрыты да супрацоўніцтва, якое дасць магчымасць больш шырока выкарыстоўваць патэнцыял Беларусі і Прыморскага краю. 

— Мы вітаем кантакты, якія дадуць імпульс развіццю нашых адносін. Нам важны выхад на прамыя дамовы без пасярэднікаў. Гэта дае магчымасць знізіць кошт для канчатковага спажыўца, павялічыць аб’ёмы продажу. З улікам блізкасці да Кітая, з якім у Беларусі наладжана супрацоўніцтва, Прыморскі край можа стаць пляцоўкай для рэалізацыі сумесных праектаў, — звярнуў увагу губернатар расійскага рэгіёна.

Па словах Алега Кажамякі, важныя напрамкі для партнёрства — развіццё культурных сувязей, пашырэнне супрацоўніцтва ў пытаннях выхавання моладзі, захавання гістарычнай памяці. 

— Мы вітаем і абмен культурнымі сувязямі. Каб у жыхароў Прыморскага краю, а карані многіх з іх звязаны з Беларуссю, была цікавасць падарожнічаць у Беларусь, а ў нашых беларускіх сяброў — магчымасць пабываць, напрыклад, на беразе Ціхага акіяна, — адзначыў губернатар Прыморскага краю.

Наталля КАПРЫЛЕНКА

Фота БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».