Мінчанін кінуў бутэльку з 19-га паверха і пашкодзіў чужы аўтамабіль

У Цэнтральнае РУУС сталіцы звярнуўся жыхар раёна, якому пашкодзілі прыпаркаваны каля дома аўтамабіль. Аператыўнікі ўстанавілі, што іншамарку разбіў яго 43-гадовы сусед па доме.

Па інфармацыі ГУУС Мінгарвыканкама, у тую раніцу падазраваны, ужыўшы алкаголь, выкінуў бутэльку з балкона 19-га паверха і патрапіў у аўтамабіль. Сума ўрону склала звыш тысячы рублёў.

Вядома, што раней мужчына прыцягваўся да крымінальнай адказнасці за злачынства супраць палавой недатыкальнасці.

Распачата крымінальная справа за хуліганства.

Сяргей РАСОЛЬКА

Прэв’ю: БелТА