Аператыўнікі БЭЗ Ленінскага РУУС Магілёва знайшлі ў кватэры ў абласным цэнтры каля 1,5 тысячы флаконаў вадкасці да электронных парагенератараў, дзесяць прылад для курэння і 30 упаковак з камплектуючымі да іх.
Па інфармацыі УУС Магілёўскага аблвыканкама, 17-гадовы жыхар горада купіў усё гэта ў Расіі для наступнага продажу праз інтэрнэт у нашай краіне. Дакументаў на тавар у яго не аказалася, як і статусу прадпрымальніка. Маёмасць на агульную суму каля 20 тысяч рублёў канфіскавана.
У адносінах да маладога чалавека складзены адміністрацыйны пратакол за незаконную прадпрымальніцкую дзейнасць. Яму пагражае штраф да 50 базавых велічынь.
Сяргей РАСОЛЬКА
Прэв’ю: pexels.com
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
