Вы тут

Надвор'е: Балтыка прынясе дажджы і пахаладанне. Але не надоўга


На гэтым тыдні досыць хутка наступіла доўгачаканае цёплае лета. Літаральна дзень-два і сонца нагрэла паветра да тэмператур нават больш за кліматычную норму. А вось дэфіцыт вільгаці захоўваецца. Але ўжо ў пятніцу і ў суботу добрыя дажджы прынясе атмасферны фронт, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота: pixabay.com

У пятніцу раніцай і днём месцамі па краіне, а па паўднёва-ўсходняй палове на большай частцы тэрыторыі чакаюцца дажджы рознай інтэнсіўнасці. У дзённыя гадзіны месцамі ў паўднёвых раёнах дажджы будуць дасягаць крытэрыяў моцных, месцамі па краіне прагрымяць навальніцы. Ноччу і раніцай у асобных раёнах будзе згушчацца слабы туман. Тэмпература паветра ўначы складзе 9—15 градусаў, месцамі — 6—8 градусаў. Днём паветра прагрэецца да 24—29 градусаў, месцамі па поўначы — да 20—23 градусаў. На гэтым суперцёплыя дзянькі ў нас зробяць перапынак.

Паводле інфармацыі сіноптыкаў, у суботу ініцыятыву ў надвор'і перахопіць атмасферны фронт з Балтыкі. Ссоўваючыся праз тэрыторыю нашай краіны, франтальны раздзел абумовіць кароткачасовыя дажджы ўжо ў большасці раёнаў краіны, пры гэтым асноўная порцыя ападкаў і верагоднасць навальніцы прыйдзецца на паўднёвы ўсход Беларусі. Тэмпература паветра ўначы будзе ў межах ад 7 градусаў па поўначы да 16 градусаў па поўдні. Днём прагназуецца 16—23 градусы, а па захадзе — да 25 градусаў.

У нядзелю зона ападкаў будзе размяшчацца па поўдні краіны, на астатняй частцы тэрыторыі з ростам атмасфернага ціску істотных ападкаў не чакаецца. Разам з тым у Беларусь пачне паступаць больш халодная паветраная маса, і тэмпературны фон панізіцца. У дзённыя гадзіны месцамі будзе ўзмацненне ветру парывамі да 15—18 м/с. Уначы слупок тэрмометра пакажа 5—11 градусаў, на поўдні — да 13 градусаў. Днём тэмпература стане плюс 15—22 градусаў.

Паводле папярэдніх прагнозаў айчынных сіноптыкаў, з пачаткам наступнага тыдня ўлада над надвор'ем зноў пяройдзе да вобласці павышанага атмасфернага ціску, дзякуючы чаму ў большасці раёнаў будзе нават бясхмарна. Толькі па поўдні і паўднёвым захадзе краіны пры лакальным развіцці дажджавой воблачнасці пройдуць летнія навальнічныя дажджы.

Прагназуецца, што ў панядзелак чакаецца пераважна без ападкаў, толькі па поўдні краіны месцамі пройдуць кароткачасовыя дажджы і прагрымяць навальніцы. Тэмпература паветра ўначы будзе вагацца ад плюс 2 градусаў (гэта даволі холадна) па поўначы да 12 градусаў па поўдні краіны. Днём тэмпература павысіцца да 18—24 градусаў.

Сяргей КУРКАЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».