Супрацоўнікі МНС выратавалі двух чалавек пры пажары ў Мінскім раёне, паведамілі БелТА ў Міністэрстве па надзвычайных сітуацыях.
Паводле інфармацыі МНС, 8 чэрвеня ў 18.17 ратавальнікам паведамілі пра пажар у вёсцы Каменная Горка Мінскага раёна. Ратавальнікі, якія прыбылі да месца выкліку, убачылі дым з акна другога паверха двухпавярховага жылога дома. На момант узгарання ўнутры знаходзіліся маці гаспадыні і сын.
Паведамляецца, што жанчына не змагла выйсці на вуліцу праз моцнае задымленне. Тады яна выйшла на балкон і зачыніла дзверы. Выратавальнікі дапамаглі ёй спусціцца. Сын гаспадыні спрабаваў самастойна патушыць агонь з дапамогай вогнетушыцеля і садовага шланга.
Пасля агляду лекарамі жанчына адмовілася ад шпіталізацыі, а мужчына быў дастаўлены ў бальніцу з атручваннем прадуктамі гарэння. Прычына здарэння цяпер высвятляецца.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
