Пытанні землеўпарадкавання, падключэння электраатаплення, добраўпарадкавання прычала на возеры, арганізацыі лячэння дзяцей і іншыя разгледзеў на асабістым прыёме грамадзян ва Ушачах старшыня Палаты прадстаўнікоў Нацыянальнага сходу Рэспублікі Беларусь Уладзімір Андрэйчанка. Пра гэта БелТА паведамілі ва Ушацкім райвыканкаме.
Жыхар вёскі Белае звярнуўся на прыём з пытаннямі аб межах зямельнага ўчастка і добраўпарадкавання прычала на возеры, які знаходзіцца побач з населеным пунктам. Па зямельным пытанні заяўніку далі тлумачэнні. Датычна другой тэмы звароту Уладзімір Андрэйчанка даў даручэнне старшыні сельсавета разгледзець заяву сельскага жыхара і ў адпаведнасці з заканадаўствам знайсці рашэнне.
Жыхарка Ушач прасіла дапамогі ва ўстанаўленні электраатаплення ў доме. Як ёй растлумачылі прадстаўнікі адпаведных службаў, тэхнічна гэта цяжка зрабіць, бо на тым участку лініі электраперадачы рэканструяваць не плануюць. Заяўніцы прапанавалі падвесці да дома газаправод для ацяплення — як раз гэта тэхнічна выканальна.
Пенсіянер з вёскі Дворыца цікавіўся, ці можна набыць дровы і газ у балонах звыш нормаў водпуску. Мужчыну растлумачылі, якая норма водпуску пакладзена па законе.
Жыхарку Мінскага раёна хвалявала праблема будаўніцтва. Ёй не далі крэдыт на гэтыя патрэбы. Яна прасіла садзейнічання ў вырашэнні гэтага пытання і арганізацыі лячэння яе дзяцей у РНПЦ. Уладзімір Андрэйчанка ўзяў пытанне на кантроль.
Па заканчэнні асабістага прыёму старшыня Палаты прадстаўнікоў адзначыў, што якімі б дробнымі ні здаваліся пытанні, з якімі звяртаюцца грамадзяне, для кожнага, хто звярнуўся, яны важныя і надзённыя. Прадстаўнікам улады любога ўзроўню заўсёды варта выслухаць чалавека і растлумачыць, як можна вырашыць тое ці іншае пытанне. Уладзімір Андрэйчанка падсумаваў, што апошнім часам на такіх прыёмах узрастае попыт на мясцовы парадак дня, і раённаму кіраўніцтву варта ўнікаць у кожнае пытанне, якое хвалюе жыхароў.
Прэв’ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.