Следчыя высвятляюць пацярпелых ад ашуканскіх дзеянняў жыхара Жыткавічаў, паведаміла БелТА афіцыйная прадстаўніца УСК Гомельскай вобласці Марыя Крываногава.
Крымінальную справу аб махлярстве ў буйным памеры расследуюць у следчым упраўленні УСК па Гомельскай вобласці. Фігурантам праходзіць жыхар горада Жыткавічы, раней судзімы за ўчыненне асабліва цяжкіх злачынстваў у складзе злачыннай групы, удакладнілі ва УСК.
«З 2018 года па канец ліпеня 2021 года гараджанін падманам завалодаў грашыма жыхароў Гомельскай і Брэсцкай абласцей — усяго звыш Br22 тыс. мужчына ўцёк, яго абвясцілі ў міждзяржаўны вышук. Дзякуючы зладжаным дзеянням супрацоўнікаў 8-га ўпраўлення (па Гомельскай вобласці) ГУБАЗіК МУС Рэспублікі Беларусь і праваахоўнікаў Расійскай Федэрацыі абвінавачанага затрымалі ў Маскоўскай вобласці. Вырашаецца пытанне аб яго экстрадыцыі», — распавялі ва УСК.
Каб пакрыць шкоду, у Жыткавічах канфіскаваны два аўто, якія знаходзіліся ў карыстанні фігуранта. Іх агульны кошт — звыш $80 тыс.
Следчыя дадаткова ўстанаўліваюць грамадзян, якія маглі пацярпець ад супрацьпраўных дзеянняў фігуранта. Значную для следства інфармацыю можна перадаць па тэлефонах У Гомелі: (80232) 69-30-58, 69-30-56.
Прэв’ю: БелТА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».