У Клецкім раёне ў ДТЗ пацярпеў мужчына, яму спатрэбілася дапамога ратавальнікаў, паведамілі ў Мінскім абласным упраўленні МНС.
Увечары 9 чэрвеня ў 18.27 ратавальнікам паступіла паведамленне аб ДТЗ у аграгарадку Сіняўка. Аварыя адбылася на скрыжаванні вуліц Садовай і Шашэйнай. Неабходная была дапамога ў дэблакаванні пацярпелага.
Пасля прыбыцця работнікаў МНС стала вядома, што тут сутыкнуліся легкавы аўтамабіль Renault Clio і матацыкл Honda. Дапамога патрэбна была кіроўцу аўто: з-за сутыкнення дзверы з яго боку дэфармаваліся і не адчыняліся. Ратавальнікі гідраўлічным інструментам ускрылі дзверы і дапамаглі мужчыну пакінуць машыну. Кіроўцу легкавіка шпіталізавалі.
Ваенны карэспандэнт павінен быць гатовы да ўсяго!
Камарын: аб чым маўчыць Днепр.
Хто здолее змяніць гісторыю ці змяніцца пад яе ўплывам?
