У Ельску адбылося выязное пасяджэнне Гомельскай абласной каардынацыйнай нарады па барацьбе са злачыннасцю і карупцыяй, у якой прыняў удзел міністр унутраных спраў Іван Кубракоў. Пытанне, якое абмяркоўвалася, звязана з прадухіленнем непрадукцыйнага выбыцця буйной рагатай жывёлы ў сельгасарганізацыях рэгіёну.
За пяць месяцаў бягучага года ў сферы жывёлагадоўлі міліцыяй выяўлена 145 злачынстваў, трэць з якіх — у Гомельскай вобласці.
Па даручэнні кіраўніка дзяржавы, асаблівую ўвагу органы ўнутраных спраў удзяляюць мерапрыемствам па выключэнні пасрэдніцтва ў сельскай гаспадарцы і вывазе жывёлы за межы краіны. У рамках гэтай работы ў прыграніччы затрыманы шэраг асоб, якія ажыццяўлялі незаконную прадпрымальніцкую дзейнасць, звязаную з рэалізацыяй мясамалочнай прадукцыі, а таксама спынены спробы вывазу мяса буйной рагатай жывёлы за мяжу.
Выступаючы на пасяджэнні абласной каардынацыйнай нарады, начальнік упраўлення ўнутраных спраў Гомельскага аблвыканкама Аляксандр ШАСТАЙЛА адзначыў, што на прадпрыемствах аграпрамысловага комплексу рэгіёну за пяць месяцаў бягучага года выяўлена звыш 80 эканамічных злачынстваў, з якіх больш за трэць адносіцца да карупцыйных. Пры гэтым сума нанесенай шкоды склала больш за 1,2 мільёна рублёў. Акрамя таго, спынена амаль 200 дробных крадзяжоў таварна-матэрыяльных каштоўнасцяў, устаноўлена звыш 200 работнікаў сельскагаспадарчых прадпрыемстваў у стане алкагольнага ап’янення на працоўным месцы.
Вераніка КАНЮТА
Напярэдадні прафесійнага свята педагогаў у Нацыянальным прэс-цэнтры абмеркавалі імідж настаўніка, усебаковае развіццё студэнтаў педагагічных ВНУ і новыя праекты.
Укараняюцца інавацыйныя тэхналогіі ў практыку работы дзіцячых садкоў.
Цэны на ліквіднае жыллё ў сталіцы выраслі на 5 працэнтаў.
