Вы тут

Гісторыя сапраўдных герояў. 8 ліпеня пакажуць ваенную драму «Трэцяя ракета»


На тэлеканале «НТБ-Беларусь» у суботу 8 ліпеня пакажуць ваенную драму «Трэцяя ракета». Фільм убачыў свет 60 гадоў таму.


Поўнаметражны чорна-белы фільм быў зняты рэжысёрам Рычардам Віктаравым на кінастудыі «Беларусьфільм» (сюды рэжысёра размеркавалі пасля заканчэння ў 1959 годзе ВГИКа) у 1963-м. Кінастужка «Трэцяя ракета» створана па аднайменнай аповесці Васіля Быкава, якая некалі зрабіла пісьменніка вядомым, стала першай экранізацыяй твораў беларускага класіка. Дарэчы, аповесць упершыню была апублікавана ў часопісе «Маладосць» у 1962 годзе, і за яе аўтар атрымаў Літаратурную прэмію імя Якуба Коласа ў 1964-м...

Дзеянне карціны адбываецца ў часы Вялікай Айчыннай вайны на тэрыторыі Беларусі. Артылерыйскі разлік трое сутак у адрыве ад сваіх. І там лёс звёў у адным акопе на перадавой вельмі розных людзей, якім належыць вытрымаць першую танкавую атаку немцаў. У цяжкай абстаноўцы пастаяннай смяротнай небяспекі раскрываюцца чалавечыя характары... Іх у кадры ўвасобілі Яўген Гвоздзеў, Станіслаў Любшын, Надзея Семянцова, Георгій Жжонаў, Ігар Камароў, Юрый Дубровін, Спартак Фядотаў і іншыя. Глядзіце фільм на «НТБ-Беларусь» у суботу днём.

Алена ДРАПКО

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?